អ្នក​ប្រើ​ស្មាតហ្វូន​និយម​ដោះដូរ​ស៊ីម ហើយ​អ៊ីនធឺណិត​អត់​ដើរ មាន​ដំណោះស្រាយ​ងាយៗ

  • 2018-02-06 08:18:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ


អ្នក​ប្រើប្រាស់​ស្មាតហ្វូន​ឬ​ថេបប្លែត​មួយ​ចំនួន ខ្លះ​និយម​ផ្លាស់ប្ដូរ​ស៊ីម​ជា​ប្រចាំ ហើយ​តែង​ជួប​បញ្ហា​បើក​អ៊ីនធឺណិត 4G ឬ LTE អត់​ដំណើរការ។ ដើម​ចម​នៃ​មូលហេតុ​ទាក់ទង​នឹង APN (Access Point Name) ដោយ​វា​ជា​អត្តសញ្ញាណ​សម្គាល់​នៃ​ប្រភេទ​ស៊ីម​កាត​ឬ​បណ្ដាញ​ដែល​យើង​ប្រើប្រាស់ ក្នុង​ការ​ត​ភ្ជាប់​ទៅ​កាន់​អ៊ីនធឺណិត។

ដើម្បី​បញ្ចៀស​បញ្ហា​ខាង​លើ និង​មិន​ចាំ​បាច់​អស់​ថវិកា​រត់​ទៅ​រក​ជាង Sabay បង្ហើប​វិធី​ភ្ជាប់ APN តាម​ប្រភេទ​ស៊ីម​ដោយ​ខ្លួន​ឯង ហើយ​រហ័ស​បំផុត។​

+ការ​ភ្ជាប់ APN លើ iPhone/iPad:

  • iPhone: Settings > Cellular > Cellular Data Options > CellularNetwork

ត្រង់​កន្លែង APN សូម​វាយ​បញ្ចូល​អត្តសញ្ញាណ​តំណាង​ស៊ីមកាត (ឧទាហរណ៍: Smart, Cellcard ឬ Metfone)

  • iPad (មាន​ប្រើ​ស៊ីម): ចូល​ទៅ Settings > Cellular Data > APN Settings > អនុវត្ត​ដូច​ជំហាន​ខាង​លើ

+ការ​ភ្ជាប់ APN លើ Android:

  • ចូល​ទៅ Settings > Data Usage (ឬ​ចុច More តាម​ប្រភេទ​ជំនាន់ Android)
  • ចុច​លើ​ពាក្យ Mobile networks > ចុច​ត្រង់​សញ្ញា​បូក​នៅ​ចំហៀង​ខាង​លើ (Add APN)
  • ត្រង់ Name និង APN សូម​វាយ​បញ្ចូល​អត្តសញ្ញាណ​នៃ​ស៊ីមកាត
  • ចុច Option នៅ​ផ្នែក​ចំហៀង​ខាង​លើ > យក​ពាក្យ Save។​

#ករណី​មិន​ទាន់​ដំណើរការ សូម​ធ្វើ​ការ​បិទ​បើក (Restart) ម៉ាស៊ីន​ជា​ការ​ស្រេច

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ lifewire   ប្រែ​សម្រួល៖ កៅ រក្សា