ដុតក្រដាសសែនរាល់ដងម៉ោងប៉ុន្មានហ្នឹង? បើចំម៉ោងនេះស្រេចបាត់ ដូចអត់បានសែន

2018-02-07 02:06:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងថ្ងៃចូលឆ្នាំចិនបន្ទាប់ពីសែនបាយទឹក នំចំណី បង្អែមចង្អាបរួចហើយ អ្នកជាប់សែស្រឡាយចិនតែងដុតក្រដាសសែន ឧទ្ទិសដល់កុងម៉ា មានលុយមាសប្រាក់ កែវកង ផ្ទះឡានជាដើម។ លោកតា ស៊ុយ ទ្រី ដែលជាកូនចៅចិនដឹងច្បាស់ទំនៀមទម្លាប់នេះបាននិយាយថា អ្នកខ្លះដឹងមិនច្បាស់ពីពេលវេលាត្រូវដុតក្រដាសសែននេះ ចេះតែដុតផ្ដេសផ្ដាសតាមការយល់ឃើញ អ្នកខ្លះក៏ដុតមុនម៉ោង អ្នកខ្លះក៏ដុតក្រោយម៉ោង។ ដូចនេះបើដុតខុសម៉ោងខ្មោចកុងម៉ាមិនទទួលទេ។

លោកតា ស៊ុយ ទ្រី ប្រាប់ថា តាមក្បួនតម្រារបស់ជនជាតិចិន គេមិនឱ្យដុតក្រដាសសែនដល់ម៉ោង១២ថ្ងៃត្រង់ ឬលើសម៉ោង១២ដាច់ខាត។ លោកតាបន្តថា ប្រសិនបើគ្រួសារណាដែលដុតត្រឹមម៉ោង១២ ឬលើសម៉ោង១២ថ្ងៃត្រង់ស្មើពុំបានសែនព្រេនដូច្នោះដែរ។ តាមទំនៀមទម្លាប់ប្រពៃណីចិន ម៉ោងដែលត្រូវដុតក្រដាសសែន គឺចាប់ពីចន្លោះម៉ោង ១០ព្រឹករហូតដល់ម៉ោង ១១កន្លះ ដាច់ខាតកុំឱ្យដល់ម៉ោង១២ថ្ងៃត្រង់ ព្រោះចិនមានជំនឿថា ម៉ោង១២ថ្ងៃត្រង់នេះខ្មោចមិននៅទេ ហើយក៏ជាពេលដែលខ្មោចកុងម៉ាមិនអាចទទួលបានសំណែនទាំងអស់នោះដែរ។

លោកតា ស៊ុយ ទ្រី ជាកូនចៅចិនច្រើនជំនាន់មកហើយបានបន្តទៀតថា រឿងដុតក្រដាសសែននេះជាពេលសំខាន់ជាងគេក្នុងពិធីសែនព្រេនដល់កុងម៉ា ប៉ុន្តែអ្នកខ្លះពុំចាប់អារម្មណ៍ឡើយ គិតថាពេលអុចធូបឧទ្ទិសកំឡុងពេលសែនទើបជារឿងសំខាន់។ លោកតានិយាយ ពេលសែនព្រេននេះជារឿងសំខាន់ហើយពេលចូលឆ្នាំចិន តែពេលដុតក្រដាសសែនដើម្បីបញ្ចប់ការសែនព្រេននេះ កាន់តែសំខាន់មិនត្រូវធ្វេសប្រហែស។ ដូចនេះបន្ទាប់ពីសែនព្រេនហើយកាលណាសុំប្រញាប់ដុតក្រដាសសែនកុំដំអក់ ឬចាំរហូតដល់ម៉ោងថ្ងៃត្រង់។

លោកក៏បញ្ជាក់ផងទៀតថា អំឡុងពេលដុតក្រដាសសែននោះ ដាច់ខាតហាមកូនចៅកុំឱ្យទាស់សម្ដីគ្នា តឹងសរសៃកដាក់គ្នា បើមិនដូច្នោះខ្មោចកុងម៉ា នឹងមិនទទួលសំណែនទាំងនោះឡើយ ហើយអាចនាំរឿងស៊យដល់គ្រួសារទៀតផង៕

ចុចអាន៖

អត្ថបទ៖ វឌ្ឍនៈ

ពាក្យទាក់ទង

ចូលឆ្នាំចិន២០១៨

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York