ព្រះនាងជប៉ុន ពន្យារពេលរៀបអភិសេកដល់ឆ្នាំ២០២០ ក្រោមហេតុផលមួយ

2018-02-07 02:26:13
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមប្រភពព័ត៌មាន បានឲ្យដឹងថា ព្រះនាងជប៉ុន Mako កំពុងតែពន្យារពេលរៀបអភិសេករបស់ទ្រង់ រហូតដល់ឆ្នាំ២០២០ ដោយសារតែខ្វះពេលវេលាដើម្បីរៀបចំពិធី។

ព្រះនាងព្រះជន្ម ២៦ វស្សា ដែលជាចៅស្រីរបស់អធិរាជជប៉ុន Akihito បានគ្រោងរៀបអភិសេកជាមួយបុគ្គលិកក្រុមហ៊ុនច្បាប់ម្នាក់ មានឈ្មោះថា Kei Komuro កាលពីខែវិច្ឆិកា ឆ្នាំ២០១៧។ ផ្ទុយទៅវិញ សារព័ត៌មាន Jiji Press របស់ប្រទេសជប៉ុន បានរាយការណ៍ថា អ្នកទាំង ២ បានប្រកាសពន្យារពេលវេលាវិញ ដោយសារតែមិនមានពេលគ្រប់គ្រាន់ដើម្បីរៀបចំពិធី និងត្រៀមលក្ខណៈ។

ជាមួយគ្នានេះដែរ ការសម្រេចចិត្តរបស់អ្នកទាំង ២ គឺពាក់ព័ន្ធនឹងផែនការដ៏មមាញឹករបស់គ្រួសារអធិរាជជប៉ុននៅឆ្នាំក្រោយ រួមទាំងការដាក់រាជ្យរបស់ព្រះចៅអធិរាជ Akihito ទៀតផង។

គួររំលឹកឲ្យដឹងថា ព្រះនាង Mako នឹងបាត់បង់ងារជាសែរាជវង្ស នៅពេលរៀបអភិសេកជាមួយ លោក Komuro ដែលជាជនសាមញ្ញធម្មតា។

គួរបញ្ជាក់ឲ្យដឹងផងដែរថា នៅខែមេសា ឆ្នាំ២០១៩ ព្រះចៅអធិរាជ Akihito ព្រះជន្ម ៨៤ វស្សា នឹងក្លាយជាអធិរាជជប៉ុនដំបូងបង្អស់ក្នុងរយៈពេលជាង ២០០ ឆ្នាំ ដែលដាក់រាជបល្ល័ង្ក Chrysanthemum Throne។ យ៉ាងណាមិញ រាជបុត្រច្បងរបស់ទ្រង់ ដែលត្រូវជាមហាបិតុលារបស់ព្រះនាង Mako ព្រះជន្ម ៥៧ វស្សា ព្រះនាម Naruhito នឹងស្នងរាជ្យបន្ត៕

ចុចអាន៖

ប្រភព៖ BBC ប្រែសម្រួល៖ សេង ឡុង