ទើបកើតកូនរួចថ្មីៗ ឥឡូវ Kylie Jenner ត្រូវគេប្រកាសជាអ្នកមានទ្រព្យជាងគេក្នុងគ្រួសារ

2018-02-07 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកម្មវិធីទូរទស្សន៍ "Keep Up With the Kardashians” Kylie Jenner គឺត្រូវបានគេចាត់ទុកថាជាតារាមួយរូប ដែលទទួលបានជោគជ័យក្នុងកិច្ចការជំនួញជាងគេ បើប្រៀបធៀបជាមួយបងប្អូនទាំងអស់របស់នាង ចំពោះផលិតផលគ្រឿងសម្អាងក្រែមលាបបបូរមាត់របស់នាង។

គិតមកត្រឹមពេលនេះ ក្រុមហ៊ុនផ្ទាល់ខ្លួនរបស់នាងមានទ្រព្យសម្បត្តិដល់ទៅ ៣៨៦លានដុល្លារឯណោះ ហើយអាចកើនដល់ ១ប៊ីលានដុល្លារនៅឆ្នាំ ២០២២។

គ្រួសារនាងត្រូវបានគេចាត់ទុកថា ជាគ្រួសារដែលពូកែរកប្រាក់តាមរយៈជំនួញរបស់ពួកគេ។ ថ្មីៗនេះ Kim Kadashain ត្រូវជាបងស្រីនាង រកចំណូលបាន ១០លានដុល្លារក្នុងរយៈពេលតែ ៤ថ្ងៃតែប៉ុណ្ណោះ នេះបើតាមសារព័ត៌មាន TMZ ដោយបានមកពីការលក់ទឹកអប់ "Kimoji Hearts”។ ផលិតផលនេះត្រូវបានអ្នកគាំទ្រទិញរហូតអស់ពីស្តុកតាំងពីថ្ងៃអាទិត្យ ដោយមិនមានការផ្សព្វផ្សាយអ្វីធំដុំនោះឡើយ គឺគ្រាន់តែឲ្យតារាខ្លះៗ ដូចជា Paris Hilton និង Diplo ជាដើមផ្សព្វផ្សាយ។

បើគិតតាមលំដាប់ថ្នាក់ នូវទ្រព្យសម្បត្តិពួកគេ គេសង្កេតឃើញថា Kylie មានទ្រព្យច្រើនជាងគេគឺ ៣៨៦លានដុល្លារ, Kim ១៧៥លានដុល្លារ, Khloe ៤០លានដុល្លារ, Kourtney ៣៥លានដុល្លារ, Kendall ១៨លានដុល្លារ និង Rob Kardashian ៦លានដុល្លារ៕

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ