HTC លក់ទូរសព្ទលែងចេញ គ្រាន់ដើមឆ្នាំភា្លមធ្លាក់ចំណូលជាង ១៥ ភាគរយ
- 2018-02-09 01:24:16
- ចំនួនមតិ 0 | ចំនួនចែករំលែក 0
HTC លក់ទូរសព្ទលែងចេញ គ្រាន់ដើមឆ្នាំភា្លមធ្លាក់ចំណូលជាង ១៥ ភាគរយ
ចន្លោះមិនឃើញ
ក្រឡេកទៅឆ្នាំ ២០១១ ក្រុមហ៊ុន HTC ធ្លាប់ឈរឈ្មោះលំដាប់ទី ៣ ផ្នែកលក់ស្មាតហ្វូនបានច្រើនជាងគេបំផុតក្នុងលោក បន្ទាប់ពីក្រុមហ៊ុន Apple និង SAMSUNG។ សម្របទីផ្សារប្រកួតប្រជែងកាន់តែខ្លាំងឡើង ក្រុមហ៊ុនតៃវ៉ាន់ត្រូវប្រឈមបញ្ហាបណ្ដាក់គ្នាប៉ុន្មានឆ្នាំឥតល្ហែដោយសូម្បីតែដើមឆ្នាំ ២០១៨ នេះ។
ចំណូលសរុបនៃការលក់ក្នុងខែមករា ធ្លាក់ចុះ ១៥ ភាគរយធៀបនឹងខែធ្នូ ឆ្នាំ ២០១៧ ហើយធៀបទៅនឹងខែមករា ឆ្នាំដដែល ធ្លាក់ចុះដល់ ២៧ ភាគរយ ។ ប៉ុន្តែនៅមានទឹកមាត់លេបបន្តិច ព្រោះកាលពីខែកញ្ញា ឆ្នាំទៅ Google បានប្រកាសបោះទុនជាមួយវិស័យផលិតស្មាតហ្វូន HTC ក្បែរ ១.១ ប៊ីលានដុល្លារ ដោយក្រុមហ៊ុនតៃវ៉ាន់ត្រូវដោះដូរបុគ្គលិកខ្លួនប្រមាណ ២ ០០០ នាក់។
រំឭកដែរថាកន្លងទៅក៏មានចចាមអារ៉ាមពីការបង្ហាញខ្លួន HTC U12 ដោយនឹងមានបន្ទះឈីប Snapdragon 845 ព្រមអេក្រង់ច្បាស់កម្រិត 4K បន្សំមុខងារ Edge Sense ដូច U11 ប៉ុន្តែពន្យារពេលបង្ហាញខ្លួនដល់ខែមិនាឬមេសាឯណោះ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
Tesla ប្រកាសខាត ៦៧៥ លានដុល្លារ ក្រោយ Elon Musk បង្ហាញរូបឡានហោះក្រៅផែនដី
មកមើលវីដេអូឡើងស៊េរី iPhone 7 ទៅ iPhone X ប្លែកភ្នែកម្យ៉ាងដែរ!