App ថ្មី រួមគ្នាសម្អាតបរិស្ថានកម្ពុជា បានដាក់ឲ្យប្រើប្រាស់ហើយថ្ងៃនេះ

2018-02-09 09:07:08
ចំនួនមតិ 0 | ចំនួនចែករំលែក 0

ចន្លោះមិនឃើញ

GoGreenCambodia ជាកម្មវិធីទូរសព្ទដៃនៅលើស្មាតហ្វូន ដែលទើបនឹងប្រកាសដាក់ឲ្យដោនឡូតឥតគិតថ្លៃនៅថ្ងៃនេះ។

របៀបប្រើ

អ្នកអាចបង្កើតព្រឹត្តិការណ៍សម្អាតផ្ទាល់ខ្លួន ដោយអញ្ជើញមិត្តភក្តិនិងគ្រួសារ ឲ្យចូលរួម។ ប្រសិនបើអ្នកគ្រាន់តែចង់ចូលរួមក្នុងការសម្អាត សូមចូលទៅ App ចុចលើពាក្យ "ព្រឹត្តិការណ៍” ដើម្បីរកមើលពីកាលវិភាគត្រូវចូលរួម។

ដោនឡូត GogreenCambodia ចុចទីនេះ

កម្មវិធីនេះ បង្កើតឡើងក្នុងគោលបំណង ជួយឲ្យប្រទេសកម្ពុជាឲ្យមានពណ៌បៃតង និងបរិស្ថានស្អាត ដោយផ្ដើមពីយើងម្នាក់ៗ តាមរយៈការបណ្ដុំនៃព្រឹត្តិការណ៍ជាក់លាក់ដែលមាននៅក្នុងកម្មវិធី។

GoGreenCambodia បង្កើតឡើងដោយអង្គការ InSTEDD iLabSEA ដែលសហការជាមួយក្រសួងបរិស្ថាន និងសាលារាជធានីភ្នំពេញ។

"បរិស្ថានស្អាត ផ្ដើមចេញពីយើងម្នាក់ៗ" ជាប្រសាសន៍អភិបាលរងរាជធានីភ្នំពេញលោក អៀង អូននី ដែលជាសារខ្លីមួយក្នុងគោលបំណងជំរុញប្រជាពលរដ្ឋគិតគូរលើបញ្ហាបរិស្ថានជុំវិញខ្លួន ដោយផ្ដើមពីគ្រប់គ្នា។ លោកបានលើកឡើងជុំវិញបញ្ហាបរិស្ថាន ដោយសង្កត់ធ្ងន់លើបញ្ហាសំរាមដែលជាបញ្ហាប្រឈមក្នុងទីក្រុងពេលបច្ចុប្បន្ន។

លោកក៏បានសាទរ ចំពោះស្ថាប័នពាក់ព័ន្ធដែលបានបង្កើតចេញជាកម្មវិធី GoGreen ឡើង ដើម្បីជាការរួមចំណែកមួយផ្នែកធំ ក្នុងការសម្អាតបរិស្ថានក្នុងទីក្រុង ក៏ដូចជាផ្ដល់ភាពងាយស្រួលដល់យុវវ័យ និងប្រជាពលរដ្ឋដែលមានស្មាតហ្វូនក្នុងដៃ បានដឹងពីដំណឹងនានាទាក់ទងនឹងការសម្អាតបរិស្ថាន របៀបថែរក្សាបរិស្ថានជុំវិញ ជម្រុញឲ្យមានការចូលរួមចំណែកកាន់តែច្រើន៕