ឲ្យរបស់១០យ៉ាងនេះ ដល់កូនចៅថ្ងៃចូលឆ្នាំចិនចប់បាត់ ព្រោះចង្រៃផុតលេខ

2018-02-12 02:29:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាប្រពៃណីទំនៀមទម្លាប់របស់ជនជាតិ តែងឲ្យកាដូអនុស្សាវរីយ៍ ឬអាំងប៉ាវឲ្យគ្នាទៅវិញទៅមក ដើម្បីនាំលាភសំណាងដល់សាច់ញាតិ កូនចៅបងប្អូន។ បើតាម លោកយាយ គីម ស៊ាងហេង ជាកូនចៅចិនរស់នៅរាជធានីភ្នំពេញ បានប្រាប់ Sabayថារបស់មួយចំនួនអ្នកជាប់សែស្រឡាយចិនហាមឲ្យគ្នាដាច់ខាត ព្រោះគិតថាចង្រៃផុតលេខ។

ខាងក្រោមនេះជារបស់១០យ៉ាងហាមឲ្យគ្នាដាច់ខាតថ្ងៃចូលឆ្នាំចិន៖

១ វត្ថុមុតស្រួច៖ ការកាត់ផ្ដាច់ទំនាក់ទំនង

ការឲ្យកាដូជារបស់មុតស្រួច ដូចជាកន្ត្រៃ កាំបិត ជាដើម ចិនមានជំនឿថា ហាក់ដូចជាកាត់ផ្ដាច់ទំនាក់ទំនងជាមួយគ្នា អាចបែកបាក់គ្រួសារ ឬអាចឈានទៅរកជម្លោះក្នុងវង្សត្រកូល។

២. លេខ ឬ ចំនួន៤៖ មានការបញ្ចេញសំឡេងដូច ពាក្យ «ស្លាប់»

លោកយាយ គីម ស៊ាងហេង ប្រាប់ថា នៅក្នុងភាសាចិន «លេខ៤» មានសំឡេងស្រដៀងគ្នានឹងពាក្យ «ស្លាប់»។ ដូច្នេះអ្វីដែលមានលេខ ឬចំនួន៤ ត្រូវបានចាត់ទុកថាជា សំណាងអាក្រក់។

៣ ស្បែកជើង៖ សំណាងអាក្រក់ ឬ បិសាច

ការជូនស្បែកជើងជាកាដូ សម្រាប់ពិធីបុណ្យចូលឆ្នាំចិន គឺជាគំនិតអាក្រក់មួយ ព្រោះពាក្យ «ស្បែកជើង» មានសំឡេងដូចបេះបិទនឹងពាក្យ «សំណាងអាក្រក់» ឬ «បិសាច» នៅក្នុងភាសាចិន។ មិនតែប៉ុណ្ណោះ ស្បែកជើង គឺជារបស់ដែលមនុស្សដើរជាន់ពីលើទៀតផង។

៤ កន្សែងដៃ៖ និមិត្តសញ្ញានៃការនិយាយលាគ្នាជារៀងរហូត

ជាទូទៅ គេតែងឲ្យកន្សែងដៃ នៅចុងបញ្ចប់នៃពិធីបុណ្យសពមួយ ហើយវាជានិមិត្តសញ្ញានៃការនិយាយលាគ្នាជារៀងរហូត។

៥ នាឡិកា៖ សំណាងអាក្រក់'

នៅក្នុងភាសាចិន ការនិយាយពាក្យថា «ជូននាឡិកា» មានសំឡេងដូចគ្នាបេះបិទនឹងពាក្យ «ចូលរួមពិធីបុណ្យសព» ដូច្នេះការជូនកាដូនាឡិកាប៉ោល ឬ នាឡិកាដៃ គឺជាសំណាងអាក្រក់។ មិនតែប៉ុណ្ណោះ នាឡិកា ក៏ជានិមិត្តសញ្ញានៃការអស់ពេលវេលា ផងដែរ ជាពិសេសសម្រាប់មនុស្សវ័យចំណាស់។

៦ ផ្លែសារី៖ បែកបាក់

ការជូនផ្លែឈើជាកាដូ គឺជារឿងល្អ ប៉ុន្តែហាមជូនផ្លែសារីឲ្យសោះ ដោយសារតែនៅក្នុងភាសាចិន ពាក្យ «ផ្លែសារី» មានសំឡេងដូចនឹងពាក្យ «ចាកចេញ» ឬ «បែកបាក់»។

៨ ឆត្រ៖ បែកគ្នា

នៅក្នុងភាសាចិន ពាក្យ «ឆត្រ» មានសំឡេងដូចពាក្យ «បែកគ្នា»។ ការជូនឆត្រជាកាដូ ប្រៀបបានដូចជាបង្ហាញអារម្មណ៍របស់អ្នកថា អ្នកចង់បែកគ្នាជាមួយគេអីចឹង។

៩ របស់ពណ៌ខ្មៅ ឬ ស៖ ភាគច្រើនត្រូវបានប្រើក្នុងពិធីបុណ្យសព

ខ្មៅ និង ស គឺជាពណ៌សំខាន់សម្រាប់ប្រើក្នុងពិធីបុណ្យសព ដូច្នេះត្រូវជៀសវាងកាដូ ដែលមានពណ៌ខ្មៅ ឬ ស។ ជាមួយគ្នានេះដែរ ការវិចខ្ចប់ក្រដាស ឬ ស្រោមសំបុត្រ ប្រើពណ៌ទាំង២នេះ ក៏គួរតែជៀសវាងដែរ។ ក្រហម គឺជាពណ៌នាំសំណាង ដូច្នេះពណ៌ក្រហម តែងតែជាជម្រើសដ៏អស្ចារ្យ។

១០ កញ្ចក់៖ ទាក់ទាញខ្មោច

ការជូនកញ្ចក់ជាកាដូ គឺជាគំនិតអាក្រក់មួយសម្រាប់ជនជាតិអាស៊ី ព្រោះគេជឿជាក់ថា កញ្ចក់ទាក់ទាញខ្មោចមកព្យាបាទ។ មិនតែប៉ុណ្ណោះ វាងាយនឹងបែក ហើយរបស់បែកបាក់ គឺជាប្រផ្នូលមិនល្អ៕

ចុចអាន៖

អត្ថបទ៖ វឌ្ឍនៈ

ពាក្យទាក់ទង

ចូលឆ្នាំចិន២០១៨

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York