រឿងបុរាណល្បីកាច់កុងគ្នាជាង ១០ឆ្នាំមុន ត្រៀមផ្សាយឡើងវិញនៅ PNN
- 2018-02-12 07:47:45
- ចំនួនមតិ 0 | ចំនួនចែករំលែក 0
រឿងបុរាណល្បីកាច់កុងគ្នាជាង ១០ឆ្នាំមុន ត្រៀមផ្សាយឡើងវិញនៅ PNN
ចន្លោះមិនឃើញ
រឿងភាគបុរាណ ដែលល្បីកាលពីឆ្នាំ២០០៩ "ល្បិចក្នុងរាជវាំង" វគ្គ១ ឬ Beyond Realm of Conscience នឹងមានផ្សាយឡើងវិញនៅ PNN បន្ទាប់ពីរឿង "អ្នកក្លាហានទាំងបីឆ្លងភព" ចាប់ពីថ្ងៃទី១៣ កុម្ភៈនេះហើយ។
រឿង "ល្បិចក្នុងរាជវាំង" វគ្គ១ ចូលរួមសម្តែងតារាហុងកុងល្បីៗដូចជា៖ Charmaine Sheh, Tavia Yeung, Michelle Yim, Susanna Kwan, Moses Chan, Kevin Cheng, Joseph Lee, Susan Tse, Selena Li, Mary Hon ។
តាមរយៈរឿងនេះ នាង Tavia Yeung បានឈ្នះពានរង្វាន់ដល់ទៅពីរ គឺតារាសម្តែងល្អបំផុតប្រចាំឆ្នាំ (Best Performance of the Year) និងតួស្រីដែលមានប្រជាប្រិយភាព (My Favorite Female Character) ក្នុងឆ្នាំ២០០៩។ រឿងនេះ ក៏ស្ថិតក្នុងចំណោមរឿងភាគទូរទស្សន៍កំពូលទាំងដប់ប្រចាំឆ្នាំ ក្នុងកម្មវិធីពានរង្វាន់ One TV Award 2010 ផងដែរ។
រឿង "ល្បិចក្នុងរាជវាំង" វគ្គ១ រៀបរាប់ពី នាង Gong Choi-king ដែលជាស្រីស្នំស្ដេចត្រូវបានគេបង្ខំឲ្យត្រលប់ទៅព្រះបរមរាជវាំងវិញ ជាមួយនឹងកូនស្រីឈ្មោះ "លីវសានហាវ" (Charmaine Sheh) និងអ្នកបម្រើរបស់ពួកគេគឺ អ៊ី ខាយលីង (Tavia Yeung)។
Gong Choi-King មានទេពកោសល្យខាងផ្នែករចនាគ្រឿងអលង្ការ ដូច្នេះនាងត្រូវបានគេចាត់តាំងឲ្យធ្វើស្នៀតសក់មាសដ៏ស្រស់ស្អាតឲ្យមហាក្សត្រិយានី ដែលមានគុជខ្យងភ្លឺថ្លាជារូបរាងដូចហង្ស។ ជាអកុសលនៅពេលមហាក្សត្រិយានីបានពាក់ស្នៀតសក់ ក្រសាលជុំវិញសួនច្បារ ស្រាប់តែស្នៀតសក់ហង្សនោះយំចេញឈាម។ មហាក្សត្រិយានីចាត់ទុកនេះជាប្រផ្នូលអាក្រក់ ដូច្នេះស្នំ Gong Choi-King ត្រូវបានគេដាក់ទណ្ឌកម្មយ៉ាងធ្ងន់ធ្ងរ ទទួលរងនូវការវាយដំយ៉ាងឃោឃៅរហូតដល់ស្លាប់។
មុនពេលស្លាប់នាងបានប្រាប់ "សានហាវ" ឲ្យចងចាំពីសារៈសំខាន់នៃឈ្មោះរបស់នាង គឺ "ធ្វើល្អ និយាយល្អ ចិត្តល្អ" (ឈ្មោះសានហាវ មានន័យថាល្អបីយ៉ាង)។ ស្នំ Gong Choi-King ក៏បានប្រាប់ "សានហាវ" ឲ្យចេះជួយគ្នា និងស្រឡាញ់ "ខាយលីង" ដូចបងប្អូនបង្កើត។
តើនឹងមានរឿងអ្វីកើតឡើង នៅពេលខាងមុខរវាង "សានហាវ" និង "ខាយលីង"? តើមិត្តភាពរបស់ពួកគេនៅដដែល ឬមានការប្រែប្រួលយ៉ាងណា? កុំភ្លេចរង់ចាំតាមដានរៀងរាល់ថ្ងៃចន្ទ ដល់សុក្រ វេលាម៉ោង៥ ដល់ម៉ោង៦ល្ងាច ចាប់ពីថ្ងៃទី១៣ ខែកុម្ភៈ ឆ្នាំ២០១៨ នេះតទៅ៕
ទស្សនាឈុតខ្លីរឿង "ល្បិចក្នុងរាជវាំង" វគ្គ១ សូមចុច៖