DJI Mavic Air ខ្លួនតូច តែចិត្តធំថតដល់ 4K កំពុងមានប្រជាប្រិយ (វីដេអូ)

2018-02-13 03:44:19
ចំនួនមតិ 0 | ចំនួនចែករំលែក 0

ចន្លោះមិនឃើញ

DJI Mavic Air មានទម្ងន់ ៤៣០ ក្រាម ជា Drone តូចជាងគេ។ យាននេះ អាចថតវីដេអូកម្រិត 4K និងរូបភាពទំហំ 12 Megapixel ព្រមទាំងអាចកែប្រែ Setting មួយចំនួន ជាពិសេសអាចថតប្រើទម្រង់ RAW បាន។ ថែមទាំង អាចថតវីដេអូយឺតៗបានកម្រិត Full HD ដោយមានល្បឿន 120 Frames ក្នុងមួយវិនាទី ។

ឧបករណ៍នេះមាន Gimbal បីជ្រុងបង្វែរបានបីទិសដៅ ងាយស្រួលក្នុងការថតវីដេអូ។ រីឯ ល្បឿនហោះហើររបស់យាននេះ អាចមានដល់ទៅ ៦៨ គីឡូម៉ែត្រក្នុងមួយម៉ោង ។

ទំហំមេម៉ូរី (Internal Memory) មាន 8GB អ្នកអាចប្រើកម្មវិធីលើទូរសព្ទភ្ជាប់បញ្ជា Drone នេះបាន។ វាមានបំពាក់នូវប្រព័ន្ធជំនួយក្នុងការហោះហើរកម្រិតខ្ពស់ អាចការពារការប៉ះទង្គិចកំឡុងពេលហោះហើរ។

DJI drone ភាគច្រើនរចនាឡើង អាចកាត់បន្ថយការចុះចតលើទីតាំងមានគ្រោះថ្នាក់បាន។ ចំពោះការសាកល្បងឃើញថា យាននេះអាចចុះចតបាននឹងល្អ នៅរយៈកម្ពស់ ១.២ ម៉ែត្រ ។

វីដេអូណែនាំ៖

Mode មួយចំនួនលើ Drone

មុខងារ HDR (High Dynamic Range) mode អាចធ្វើឲ្យរូបភាពកាន់តែរស់រវើក ហើយអាចបង្កើតរូបភាពលក្ខណៈ Panoramic បន្សំពីរូបភាព ២៥ សន្លឹកប្រើពេលត្រឹមតែ ៨ វិនាទី ដែលមានទំហំ 32 Megapixels ។
Drone មាន Mode សម្រាប់អ្នកប្រើដំបូង ដែលខ្វះបទពិសោធន៍ក្នុងការបញ្ជាយានមួយនេះ តែអ្នកគួរសាកល្បងនៅទីមានសុវត្ថិភាព។
SmartCapture mode អាចឲ្យអ្នកកំណត់ទិសដៅ Drone ដោយកាយវិការបាន។
Asteroid Mode ធ្វើការចាប់យកវីដេអូពីអ្នក មុនពេលពង្រួមទិដ្ឋភាព ធ្វើឲ្យអ្នកមើលទៅ កំពុងឈរនៅកណ្ដាលផែនដី។

វីដេអូបង្ហាញលម្អិត៖

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ

ប្រភព៖ http://www.news.com.au/technology/gadgets/cameras/dji-mavic-air-review-the-companys-smallest-4k-drone-delivers-the-biggest-potential/news-story/5edeea2c2e67d08576481fc40cd77738

ប្រភព៖ News.com.au ប្រែសម្រួល៖ ប៊ុនធឿន