តិចថាអត់បានប្រាប់! ស្អែកនេះ បើទៅភូមិន្ទភ្នំពេញ ដឹងតែពិសេសបំផុតហើយ
- 2018-02-13 09:27:49
- ចំនួនមតិ 0 | ចំនួនចែករំលែក 0
តិចថាអត់បានប្រាប់! ស្អែកនេះ បើទៅភូមិន្ទភ្នំពេញ ដឹងតែពិសេសបំផុតហើយ
ចន្លោះមិនឃើញ
ពិព័រណ៍ផលិតផលសូត្រនិងតម្បាញ ចម្លាក់និងសូនរូប ម្អូបអាហារ និង ផលិផល កែច្នៃ ពី ធនធាន ក្នុងសហគមន៍ ជាង៤០ស្តង់ មកពី១១ខេត្ត នឹងដាក់បង្ហាញជូនសាធារណៈជនទសន្សនានៅថ្ងៃទី១៤ និង១៥ ខែកុម្ភៈ នៅទីធ្លាខាងស្តាំដៃតារាងបាល់ទាត់ នៃសាកលវិទ្យាល័យភូមិន្ទភ្នំពេញ ចាប់ ពី ម៉ោង ៨ព្រឹកដល់ម៉ោង៥ល្ងាច។
ពិព័រណ៍ផលិតផលសហគមន៍ខ្ញុំ ក្រោមពាក្យស្លោក «ការអភិវឌ្ឍ-ការច្នៃប្រឌិត-យុវជន»នេះ នឹង រៀបចំ ឡើងដោយ មហាវិទ្យាល័យសិក្សាអភិវឌ្ឍន៍ នៃសាកលវិទ្យាល័យភូមិន្ទភ្នំពេញ ក្នុង គោល បំណង ដើម្បី៖
បង្ហាញគំរូជោគជ័យនៃការអភិវឌ្ឍសហគមន៍
ការលើកកម្ពស់ផលិតផលសហគមន៍
ផ្សាភ្ជាប់និស្សិតជាមួយសហគមន៍មូលដ្ឋាន
បង្កើនការយល់ដឹងពីការអភិវឌ្ឍសហគមន៍ដោយមាននិរន្តភាព
បង្ហាញពីទំនាក់ទំនងរវាងការអភិវឌ្ឍន៍សហគមន៍ ការអភិវឌ្ឍសេដ្ឋកិច្ច និងការគ្រប់គ្រងធនធានធម្មជាតិ និងការអភិវឌ្ឍន៍ជាមួយផលិតផលសហគមន៍ដល់យុវជនកម្ពុជា
ការលើកទឹកចិត្តយុវជនក្នុងការចូលរួមការងារសង្គម
លើកទឹកចិត្តឲ្យនិស្សិតចេះរៀបចំព្រឹត្តិការណ៍នានានៅសហគមន៍របស់ពួកគេនាពេលអនាគត។
ក្នុងកម្មវិធីពិព័រណ៍ផលិតផលសហគមន៍ខ្ញុំ នេះផងដែរ ក៏មានការប្រកួតស៊ែលហ្វី Selfie ជាមួយស្តង់ពិព័រណ៍ផលិតផល លែងល្បែងប្រជាប្រិយខ្មែរ ការសំដែងរបស់ក្រុមនិស្សិត និង ការប្រគំតន្រ្តីទស្សនាកម្សាន្ត។
ផលិតផលសហគមន៍ដែលនឹងចូលរួមតាំងពិព័រណ៍ រួមមានសូត្រនិងតម្បាញ១៥ស្តង់ សម្លាក់ និងសូនរូប៨ស្តង់ ម្ហូបអាហារ៧ស្តង់ និងផលិតផលកែច្នៃពីធនធានក្នុងសហគមន៍ផ្សេងៗ១១ស្តង់ ដែលមកពីសហគមន៍ក្នុងខេត្តចំនួន១១។ ជាអាទិ៍ ខេត្តកណ្តាល កំពង់ចាម កំពង់ឆ្នាំង តាកែវ បាត់ដំបង ពោធិសាត់ ព្រៃវែង មណ្ឌលគិរី សៀមរាប ស្ទឹងត្រែង និងរាជធានីភ្នំពេញ។
ក្រុមនិស្សិតមហាវិទ្យាល័យសិក្សាអភិវឌ្ឍន៍ សង្ឃឹមយ៉ាងមុតមាំថា ពិព័រណ៍ផលិតផលសហគមន៍ខ្ញុំនេះ នឹងចូលរួមលើកកម្ពស់ផលិតផលសហគមន៍ ចូលរួមចំណែកក្នុងការអនុវត្តយុទ្ធសាស្រ្តចតុកោណរបស់រាជរដ្ឋាភិបាលដែលបានលើកកម្ពស់ភាពជាអ្នកដឹកនាំរបស់យុវជននៃកម្ពុជា៕