Oppo ចេញទូរសព្ទថ្មី តាមប្រល័យរាង iPhone X

2018-02-14 03:40:24
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីភាពជោគជ័យលើត្រកូល R11/R11 Plus កាលពីខែមិថុនាឆ្នាំទៅ ក្រុមហ៊ុន Oppo ក៏មិនបង្អង់យូរ ស្រាប់តែលេចចេញនូវរាងបែកធ្លាយនិងចចាមអារ៉ាមមួយចំនួនទាក់ទងលក្ខណៈសម្បត្តិម៉ាស៊ីន។ ឆ្លងកាត់របាយការណ៍ពីប្រទេសចិនបង្ហើបថាម៉ូដែលថ្មី R13/R13 Plus នឹងរចនារូបរាងស្រដៀង iPhone X នៃក្រុមហ៊ុន Apple។

មិនខុសពីម៉ូដែល R11 Plus រូបរាងក៏ចម្លងតាមម៉ូដែល iPhone 7 Plus ហើយស៊េរីឆ្នាំ ២០១៨ មួយនេះ ទំនងប្រើកាមេរ៉ាភ្លោះបញ្ឈរ និងប្រព័ន្ធកម្មវិធីមួយចំនួនដូច iPhone ថ្លៃ ៩៩៩ ដុល្លារអ៊ីចឹងដែរ។ ជាស្មាតហ្វូនធន់កណ្ដាល ដែលគ្រោងបំពាក់ឈីប Snapdragon 670 (សេរ៊ីខ្ពស់បំផុតនៃពពួក Mid-Range) ជាប្រភេទអង្គគណនា FinFET ទំហំ 10nm ដូចត្រកូល SD845 និង Exynos 9810 មានបំពាក់លើស្មាតហ្វូនកម្លាំងខ្លាំងផុតលេខ។

អមការប្រើមុខងារស្កេនផ្ទៃមុខ Facial Recognition រត់លើ Android 8.1 Oreo ស្រោបដោយ Color OS 4.0 ហើយមាន RAM 4GB និង ROM 64GB លើម៉ូដែល R13 ធម្មតា និង RAM 6GB អម ROM 64/128GB លើ R13 Plus ទាំងដែលតម្លៃមិនទាន់បង្ហាញច្បាស់នាពេលនេះ។