វីរបុរសបាល់ទាត់ដ៏ល្បីឈ្មោះមួយរូប ទទូចឲ្យ Rashford ចេញពី Man Utd !
- 2018-02-13 11:37:45
- ចំនួនមតិ 0 | ចំនួនចែករំលែក 0
វីរបុរសបាល់ទាត់ដ៏ល្បីឈ្មោះមួយរូប ទទូចឲ្យ Rashford ចេញពី Man Utd !
ចន្លោះមិនឃើញ
វីរបុរសបាល់ទាត់ Thierry Henry ក្នុងថ្ងៃនេះ បានទទូចឲ្យខ្សែប្រយុទ្ធវ័យក្មេង Marcus Rashford ពិចារណាពីអនាគតខ្លួននៅ Manchester United បន្ទាប់ពីកីឡាករសញ្ជាតិអង់គ្លេសមិនសូវបានលេងជាប់លាប់មួយរយៈចុងក្រោយនេះ។
អតីតខ្សែប្រយុទ្ធឆ្នើម Henry បានថ្លែងប្រាប់សារព័ត៌មាន Sky Sports ថា៖ "ចំពោះខ្ញុំ រឿងសំខាន់បំផុតសម្រាប់កីឡាករបាល់ទាត់ គឺលេងឲ្យបានទៀងទាត់។ ក្នុងករណី Rashford ខ្ញុំគិតថា វាមិនមែនជាបច្ច័យល្អទេ ដែលគេចំណាយពេលជាច្រើនរបស់គេ លើកៅអីបម្រុង ហើយមិនបានចូលលេងជាច្រើនប្រកួតអ៊ីចឹង"។
វីរបុរសបាល់ទាត់សញ្ជាតិបារាំងរូបនេះ បន្ត៖ "ពាក្យថា ចាកចេញ មើលទៅដូចជាធ្ងន់ពេក ព្រោះតាមខ្ញុំមើលទៅ Rashford ចង់លេងឲ្យ Manchester United។ ទោះជាយ៉ាងណា នៅពេលចប់រដូវកាលនេះ គេគួរតែសួរខ្លួនឯង ទៅថា បើនៅបានប្រយោជន៍អី បើមិនបានលេងជាប់លាប់ដូច្នេះ"។
សូមបញ្ជាក់ផងដែរ តាំងពីលោក Jose Mourinho ក្លាយជាអ្នកចាត់ការក្លឹបបិសាចក្រហមកាលពីពាក់កណ្ដាលឆ្នាំ ២០១៦ មក ខ្សែប្រយុទ្ធ Rashford ត្រូវបានគេមើលឃើញថា ជាកីឡាករសំណព្វចិត្តរបស់លោក ដោយខ្សែប្រយុទ្ធអង់គ្លេសត្រូវបានលោកសរសើរជារឿយៗ និងបានដាក់ឲ្យចូលលេងជាច្រើនប្រកួត។
ទោះជាយ៉ាងណា តាំងពីចូលឆ្នាំ ២០១៨មក ជាពិសេសក្រោយខ្សែប្រយុទ្ធ Alexis Sanchez បានមកចូលរួមជាមួយក្លឹបបិសាចក្រហម Rashford មិនសូវបានលេងជាប់លាប់នោះទេ ដោយភាគច្រើនលេងជាកីឡាករបម្រុង៕