CL សាទរអ្នកគាំទ្រខ្លួនម្នាក់ ខណៈឈ្នះមេដាយមាសពីព្រឹត្តិការណ៍កីឡាអូឡាំពិករដូវរងា
- 2018-02-14 01:40:00
- ចំនួនមតិ 0 | ចំនួនចែករំលែក 0
CL សាទរអ្នកគាំទ្រខ្លួនម្នាក់ ខណៈឈ្នះមេដាយមាសពីព្រឹត្តិការណ៍កីឡាអូឡាំពិករដូវរងា
ចន្លោះមិនឃើញ
កីឡាការិនីជិះស្គីលើទឹកកកកូរ៉េកាត់អាមេរិក Chloe Kim បានធ្វើឲ្យពិភពលោកភ្ញាក់ផ្អើលជាពន់ពេក ក្រោយឈ្នះមេដាយមាស ពីការប្រកួតវិញ្ញាសាជិះស្គីលើទឹកកក ក្នុងព្រឹត្តិការណ៍ប្រកួតកីឡាអូឡាំពិករដូវរងា ឆ្នាំ ២០១៨ ដែលកំពុងប្រព្រឹត្តិទៅយ៉ាងឱឡារិកក្នុងទីក្រុង Pyeong Chang ប្រទេសកូរ៉េខាងត្បូង។
អ្វីដែលកាន់តែភ្ញាក់ផ្អើលនោះ គឺកាលពីថ្ងៃម្សិលមិញ CL កំពូលតារាចម្រៀង K-Pop បានបង្ហោះសារអបអរលើគណនី Instagram ចំពោះជ័យជម្នះដ៏អស្ចារ្យរបស់កីឡាការិនីវ័យ ១៧ឆ្នាំ Chloe Kim។
យុវតីជយលាភីរូបនេះ គឺជាតំណាងក្រុមរបស់សហរដ្ឋអាមេរិក ដោយទទួលបានពិន្ទុ ៩៨.២៥ ពីការប្រកួតប្រជែង។ សម្រាប់ជយលាភីលេខ ៗបានទៅលើកីឡាការិនីចិន Liu Jiayu ដែលទទួលបាន ៨៩.៧៥ពិន្ទុ និងលេខ ៣បានទៅលើ កីឡាការិនីអាមេរិក Ariel Gold មានពិន្ទុ ៨៥.៧៥។
ដោយឡែក សម្រាប់ម្ចាស់មេដាយមាសវិញ្ញាសាជិះស្គីលើទឹកកក ក៏ជាអ្នកគាំទ្ររបស់ CL ម្នាក់ដែរ។ មានម្ដងនាងធ្លាប់និយាយក្នុងបទសម្ភាសន៍ថា ខ្លួនតែងស្ដាប់បទចម្រៀងរបស់ CL ជារឿយៗ ថែមទាំងរាំទៀតផងមុននាងឡើងប្រកួតម្ដងៗ។
ដូចនេះហើយ ដើម្បីជាការអបអរយុវតីរូបនេះ CL ក៏បានបង្ហោះរូប១សន្លឹកលើគណនី Instagram របស់ខ្លួនដោយបានសរសេរអមថា៖ “GZBz ធ្វើបានល្អណាស់"៕
ចុចអាន៖
ពិភពលោកភ្ញាក់ផ្អើល ពេលឃើញតារាកូរ៉េខាងត្បូង ចូលសម្ដែងជាមួយតារាកូរ៉េខាងជើង
CL ហួសចិត្តខ្លួនឯងពេលដួលនៅកម្មវិធីអាពាហ៍ពិពាហ៍របស់ Taeyang
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
