ម៉ាស៊ីនបោកគក់មាន ៣ ប្រភេទ មុនទិញមើលឲ្យច្បាស់ ប្រយ័ត្នចោលលុយ

2018-02-14 08:04:40
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្របបាននឹងការអភិវឌ្ឍបច្ចេកវិទ្យា របស់របរប្រើប្រាស់ក្នុងគេហដ្ឋានត្រូវបានជំនួសពីដៃមនុស្សទៅជាគ្រឿងយន្ត។ ទាក់ទងម៉ាស៊ីនបោគគក់បច្ចុប្បន្ន មានចេញលក់ ៣ ប្រភេទនៅលើទីផ្សារ ដោយសុទ្ធសឹងតែមានចំណុចខ្លាំងនិងខ្សោយរៀងខ្លួន ប៉ុន្តែ Sabay ណែនាំឲ្យជ្រើសរើសប្រភេទមួយដែលត្រូវចិត្ត និងមិនខាតបង់ថវិកា។

១.ប្រភេទទ្វារមុខ (Front-Loading):

ចំណុចខ្លាំង:

ទំហំតួម៉ាស៊ីនតូច ងាយស្រួលដាក់ទោះទីតាំងរាងចង្អៀត
មានមុខងារបន្ថែមសំលៀកបំពាក់ អំឡុងពេលចាប់ផ្តើមបោក ដោយមិនបាត់បង់គុណភាពសម្អាត
តាមការពិសោធន៍ប្រភេទទ្វារមុខ បោកបានស្អាតល្អបំផុត
សន្សំសំចៃទឹកនិងថាមពលអគ្គិសនី
អាចបន្ថែមកម្រិតរង្វិល (សម្ងួត) ធ្វើឲ្យសំលៀកបំពាក់ឆាប់ស្ងួតជាងធម្មតា។

ចំណុចខ្សោយ:

ដោយប្រើប្រាស់បច្ចេកវិទ្យាខ្លាំង តម្លៃលក់លើទីផ្សារអាចរៀងខ្ពស់បន្តិច
ពេលវេលានៃការបោកនិងសម្ងួតមិនក្រោម ៣០ នាទី ឬលើសពីនេះ ផ្អែកតាមប្រភេទមុខងារដែលអ្នកជ្រើសរើស
រាងញ័រខ្លាំងបន្តិចនៅពេលដល់វគ្គសម្ងួត ជាពិសេសបើអ្នកមិនដាក់ម៉ាស៊ីនកល់លើសារធាតុរឹង
ដោយផ្អែកតាមការរចនា ពពួកម៉ាស៊ីនខ្លះអាចខ្ទាតទឹកចេញមកក្រៅ បណ្ដាលឲ្យមានកំណកសាប៊ូជាប់នឹងទ្វារ។

+ប្រភេទទ្វារលើធម្មតា (Traditional Top-Loading):

ចំណុចខ្លាំង:

ប្រភេទទំនើបខ្លះក៏អនុញ្ញាតឲ្យអ្នកបន្ថែមសំលៀកបំពាក់ ថ្វីបើដំណើរការបោកចាប់ផ្តើម
ពេលវេលានៃការសម្អាតខ្លីជាង
រំញ័រតិចតួច
មិនសូវមានក្លិន គ្មានកំណកសាប៊ូ
ផ្ទាំងបញ្ជារបស់វាមិនស្មុគស្មាញច្រើន។

ចំណុចខ្សោយ:

សំលៀកបំពាក់ធំៗ នឹងមិនសូវបោកបានស្អាត
មុខងារសម្អាតមិនអាចសម្របនឹងតម្រូវការពេញលេញរបស់អ្នកប្រើប្រាស់
តម្រូវការទឹកច្រើននៅពេលបោក។

+ប្រភេទទ្វារលើសន្សំសំចៃភ្លើង (Top-Loading HE):

ចំណុចខ្លាំង:

គុណភាពសម្អាតអាចយកជាការបាន ដូចទៅនឹងទ្វារមុខ
ប្រើទឹកតិចជាងមុន និងជួយសន្សំថាមពលអគ្គិសនី
ក្លិនកខ្វក់អាចមិនជាបញ្ហា
បើអ្នកមិនរើសយកប្រភេទមានបច្ចេកវិទ្យាទំនើបខ្លាំង និងទំហំម៉ាស៊ីនធំ នោះតម្លៃក៏សមរម្យអាចទទួលយកបាន។

+ចំណុចខ្សោយ:

ពេលវេលាបោកអាចយូរដូចពពួកទ្វារមុខ
មិនអាចដាក់ម៉ាស៊ីនតម្រួតលើគ្នាដូចពពួកទ្វារមុខ។

+សរុបរួម:

ទាំងដែលបច្ចុប្បន្នតម្លៃម៉ាស៊ីនបោគគក់នៅទីផ្សារក្នុងស្រុក ពពួកទ្វារមុខអាចថារាងថ្លៃជាងគេបន្តិច បើទ្វារលើលក់ប្រហែល ៣០០ ដុល្លារឡើងទៅ ចំណែកទ្វារមុខអាចថែមលើសហ្នឹង ១ ទៅ ២ សន្លឹក ប៉ុន្តែបើនិយាយពីបច្ចេកវិទ្យានិងការប្រើប្រាស់ ទាំងជួយសន្សំសំចៃថាមពលអគ្គិសនីនិងកម្រិតនៃការប្រើប្រាស់ទឹក Sabay ណែនាំឲ្យអ្នកប្រើប្រាស់គួររើសយកពពួក ទ្វារមុខច្រើនជាង ។

អ្វីដែលពិសេសគឺវាមានរាងតូច អាចដាក់តម្រួតលើគ្នាពីរ ឬដាក់នៅទំហំទីតាំងតូចល្មមក៏បាន គ្រាន់ត្រូវចាំថាអ្នកគួរចំណាយពេលលាងសម្អាតវាជាប្រចាំដោយប្រើមុខងារភ្ជាប់លើម៉ាស៊ីនស្រាប់។

មួយទៀតសោតប្រភេទនេះ មានការលើកឡើងតៗគ្នាថាអាចសម្អាតសំលៀកបំពាក់បានស្អាតល្អជាងប្រភេទទ្វារលើឆ្ងាយខ្លាំងណាស់ ហើយនៅពេលយើងទាញចេញយកទៅហាល ក៏ត្រឹមតែអង្គុយទាញទម្លាក់ធម្មតា ងាយស្រួលជាងការប្រើកម្លាំងច្រើនដើម្បីទាញពីខាងក្រោមឡើងមកលើ ដូចប្រភេទផ្សេងទៀត។