ទូរសព្ទ ១៥ ម៉ូដែល បញ្ចេញវិទ្យុសកម្មច្រើនជាងគេ
- 2018-02-17 03:03:33
- ចំនួនមតិ 0 | ចំនួនចែករំលែក 0
ទូរសព្ទ ១៥ ម៉ូដែល បញ្ចេញវិទ្យុសកម្មច្រើនជាងគេ
ចន្លោះមិនឃើញ
ថ្មីៗនេះភ្នាក់ងារដែលទទួលខុសត្រូវលើសុវត្ថិភាពវិទ្យុសកម្មរបស់ប្រទេសអាល្លឺម៉ង់បានបញ្ចេញតារាងមួយ បង្ហាញអំពីម៉ូដែលស្មាតហ្វូនដែលបញ្ចេញសារធាតុវិទ្យុសកម្មច្រើនជាងគេបំផុត។
តាមរយៈបញ្ជីឃើញថា OnePlus 5T ជាស្មាតហ្វូនបញ្ចេញសារធាតុវិទ្យុសកម្មច្រើនជាងគេ តាមពីក្រោយដោយ Huawei Mate 9។ បន្ថែមពីនេះ Huawei និង Apple មានស្មាតហ្វូនបង្ហាញខ្លួនក្នុងបញ្ជីច្រើនជាងគេ ដោយ Huawei មាន ៦ ម៉ូដែល និង Apple មាន ៣ ម៉ូដែល។
បញ្ជាក់ថាលទ្ធនៃតារាងដែលបង្ហាញខាងលើបានមកពីការធ្វើតេស្តលើស្មាតហ្វូនគ្រប់ស៊េរីម៉ូដែល គិតនៅត្រឹមថ្ងៃទី ៣១ ខែធ្នូ ឆ្នាំ ២០១៧ ហើយគេធ្វើតេស្តដោយលើទូរសព្ទមកនិយាយដាក់ក្បែរត្រចៀក និងមិនបានរាប់បញ្ចូលទូរសព្ទប្រើស៊ីមពីរនោះទេ។
ទោះបីជាកន្លងមកធ្លាប់មានមតិលើកឡើងថាវិទ្យុសកម្មដែលសាយភាយចេញពីទូរសព្ទអាចបង្កផលប៉ះពាល់ដល់សុខភាព ប៉ុន្តែតាមរយៈលទ្ធផលថ្មីចុងក្រោយ នៃការសិក្សារយៈពេល ២ ឆ្នាំ របស់រដ្ឋបាលចំណីអាហារ និងឱសថសហរដ្ឋអាមេរិក (FDA) បង្ហាញថាវិទ្យុសកម្មមិនផ្ដល់ប៉ះពាល់ដល់សុខភាពមនុស្សឡើយ៕