ដឹងទេមួយខែគួរសម្អាតរថយន្តប៉ុន្មានដងទើបល្អ?

2018-02-18 02:06:49
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកបានចំណាយថវិកាជាច្រើនលើរថយន្ត រួមទាំងថ្លៃថែទាំ ដូចជាការផ្លាស់ប្ដូរប្រេង ប្ដូរស្បែកហ្វ្រាំងជាដើម។ ក្នុងនោះការលាងសម្អាតរថយន្ត ក៏ជាកត្តាចាំបាច់មួយដើម្បីអាចជួយបង្កើនតម្លៃពេលអ្នកចង់លក់បន្តវិញ។

រថយន្តប្រឡាក់ ដោយសារកត្តាជាច្រើនរួមមាន ធូលីដី ភក់ លាមកបក្សីពីលើដំបូល ឬសូម្បីតែសាកសពសត្វល្អិត សុទ្ធសឹងតែមានជាតិកាត់។ អ្នកជំនាញភាគច្រើន ណែនាំឲ្យសម្អាតរថយន្ត ២ សប្ដាហ៍មួយដង ។

បើធ្វើដំណើរទៅទីឆ្ងាយច្រើន ទុកឬប្រើរថយន្តនៅជិតមាត់សមុទ្រ គួរសម្អាតច្រើនដងជាងនេះ ដោយសារធូលីដីមានជាតិប្រៃ អាចធ្វើឲ្យច្រេះសមាសធាតុរបស់រថយន្តណាមួយបាន។

ពិតណាស់ ផ្នែករថយន្តមានធូលីដី (មានជាតិប្រៃ) ឬសាកសពសត្វល្អិតចូលតិច នៅតែត្រូវការសម្អាត។ អ្នកអាចប្រើម៉ាស៊ីនផ្លុំខ្យល់ ធ្វើការសម្អាត ឬអាចដោះសម្ភារៈចេញមកសម្អាត យ៉ាងហោចណាស់ ៣ ខែមួយដង ។ ករណីបើអ្នកប្រើរថយន្តទៅឆ្ងាយច្រើន អាច ២ខែមួយដង ដើម្បីរក្សាគុណភាពផ្នែកខាងក្នុងផងដែរ។

មួយវិញទៀត ដើម្បីឲ្យការសម្អាតកាន់តែមានប្រសិទ្ធភាព នឹងជួយរក្សាគុណភាពរថយន្តទាំងផ្នែកខាងក្នុង និងខាងក្រៅ បានយូរអង្វែង អ្នកគួរធ្វើការប៉ូលារថយន្តចេញ យ៉ាងហោចណាស់ ពីរដង ក្នុងមួយឆ្នាំ ៕