Facebook ត្រៀមចេញផលិតផលថ្មី ដេញជើង Apple និង Google

2018-02-18 03:49:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីបើបច្ចុប្បន្នមិនសូវសង្កេតឃើញ Facebook មានប្រកាសលក់ផលិតផលបច្ចេកវិទ្យាណាមួយក្តី ប៉ុន្តែនាថ្ងៃខាងមុខគ្រប់យ៉ាងអាចនឹងប្រែប្រួល។ ផ្អែកតាមរបាយការណ៍ DigiTimes បង្ហើបប្រាប់ក្រុមហ៊ុនមានមូលដ្ឋាននៅទីក្រុង Menlo Park នឹងប្រកាសបង្ហាញនូវ Speaker ឆ្លាតវៃពីរម៉ូដែលមាន Codename ឈ្មោះ Aloha និង Fiona នៅអំឡុងខែកក្កដា ឆ្នាំ ២០១៨។

បំពាក់នូវអេក្រង់ Touchsreen ទំហំ ១៥ អ៊ីញ ប៉ុនៗគ្នាដោយផ្ដោតសំខាន់លើមុខងារ Video Call បន្សំការប្រើប្រាស់បណ្ដាញសង្គមមួយចំនួន។ នេះទៀតសោតជាការប្រជែងជាមួយ Amazone Echo, Google Home និង Apple HomePod ដែលសុទ្ធសឹងជាផលិតផលក្នុងស្រុកតែមួយ ស្របពេល Facebook ផ្តោតលើការប្រើប្រព័ន្ធ Touchscreen ស្រដៀងដូចអ្វីដែល Echo របស់ Amazon កំពុងមានសព្វថ្ងៃ។

អ្វីដែលពិសេសក៏រំពឹងប្រើមុខងារស្កេនផ្ទៃមុខដើម្បីចូលប្រើប្រាស់គណនី Facebook លើ Speaker ឆ្លាតវៃ ហើយឆ្លងកាត់សំឡេងមនុស្សដើម្បីបញ្ជា ក៏ដូចជាការចុះកិច្ចកុងត្រាទទួលអាជ្ញាប័ណ្ណស្តាប់តន្រ្តីពីក្រុមហ៊ុន SONY និង Universal Music។