Nubia Z សេរ៊ីថ្មី មិនទាន់ប្រកាសផង ស្ទង់កម្លាំងម៉ាស៊ីនឃើញខ្លាំងជាង Galaxy S9+

2018-02-18 02:28:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំម៉ូឌែល Nubia Z17 ឬ Z17S បានបង្ហាញវត្តមានក្នុងទីផ្សារអន្តរជាតិ ដោយទទួលបានការចាប់អារម្មណ៍ទាំងដែលជាពពួកស្មាតហ្វូនធន់ខ្ពស់មានប្រើឈីប Snapdragon 835 ហើយឆ្នាំ ២០១៨ នេះ ក្រុមហ៊ុន ZTE ក៏មិនបោះបង់ ដោយមានគម្រោងដាក់បង្ហាញសេរ៊ីថ្មីមួយទៀតមានកំណែម៉ាស៊ីនលេខ NX606J។

រូបតំណាងកម្លាំងម៉ាស៊ីន NX606J

តាមការរំពឹងទុកអាចឲ្យឈ្មោះ **Nubia Z19** ហើយបើតាមការវាស់ស្ទង់កម្លាំងម៉ាស៊ីនពីកម្មវិធី AnTuTu ម៉ូឌែលក្រោយនេះ នឹងប្រើ RAM ដល់ 6GB និងអង្គផ្ទុក 32GB ហើយមានអេក្រង់ FullHD+ កម្រិត 2 160x1 080 ភីកសែល ដោយរត់លើ Android 8.0 Oreo។

រូបតំណាងកម្លាំងម៉ាស៊ីន SM-G9650

ចំណុចពិសេសម្យ៉ាងពិន្ទុវាយតម្លៃសរុបនៃ Nubia Z19 ហក់ខ្ពស់ដល់ ២៧១ ៦៧៤ ពិន្ទុ វ៉ាដាច់បន្តិចធៀប Galaxy S9+ ដែលកន្លងទៅមានការលេចចេញដូចគ្នា ហើយទទួលបានត្រឹម ២៦៥ ២៥៧ ពិន្ទុ ប៉ុណ្ណោះ។ គ្មានការបង្ហើបច្បាស់លាស់ជុំវិញថ្ងៃបរិច្ឆេទបង្ហាញខ្លួន គ្រាន់ទំនងជានឹងលេចមុខលឿនជាងឆ្នាំទៅ អាចថាជាក្នុងពិព័រណ៍ MWC 2018 អំឡុងចុងខែកុម្ភៈនេះ ខុសពីម៉ូដែល Z17 ពន្យារពេលដល់ខែមិថុនា។