មិនដល់ពីរខែទៀតទេ កាណូតដឹកអ្នកដំណើរតាខ្មៅ-ព្រែកព្នៅ ពលរដ្ឋជិះយ៉ាងរំភើយ លែងខ្លាចស្ទះ

2018-02-18 03:33:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមការងារសាងសង់កំពង់ផែបណ្តែតទឹករបស់ក្រសួងសាធារណការនិងដឹកជញ្ជូន កំពុងបន្តការសាងសង់ និងតម្លើងចំណតកំពង់ផែយ៉ាងសស្រាក់សស្រាំ។ ក្រុមការងារ បានសម្រុកធ្វើការងារនេះ ទាំងថ្ងៃទាំងយប់ ដើម្បីអាចដាក់ដំណើរការ ក្នុងការដឹកជញ្ជូនតាមផ្លូវទឹក នៅមុនថ្ងៃបុណ្យចូលឆ្នាំខ្មែរ នាខែមេសាខាងមុខ។

មន្ត្រីជំនាញសម្រុកទាំងយប់ទាំងថ្ងៃ ដើម្បីសាងសង់កំពង់ផែបណ្តែតទឹក

ការដឹកអ្នកដំណើរតាមផ្លូវទឹក ដែលនឹងដាក់ឲ្យដំណើរការជាលើកដំបូងនេះ គឺចាប់ពីព្រែកព្នៅ-រាជធានីភ្នំពេញ-ក្រុងតាខ្មៅ ខេត្តកណ្តាល។ កាណូតដឹកអ្នកដំណើរ២គ្រឿង នឹងដំណើរការដឹកអ្នកដំណើរតាមផ្លូវទឹកនេះ។ ក្រសួងសាធារណការ និងដឹកជញ្ជូន គ្រោងសាងសង់កំពង់ផែចំនួន១៥កន្លែង ដើម្បីដឹកអ្នកដំណើរតាមផ្លូវទឹក ដែលមាននៅក្នុងរាជធានីភ្នំពេញ និងខេត្តកណ្តាល។

សម្រាប់ចំណតនៅភ្នំពេញ រួមមាន៖ ទី១: គល់ស្ពានព្រែកព្នៅត្រើយខាងកើត (កំពុងពិចារណា) ទី២: គីឡូម៉ែត្រលេខ៦ ទី៣: ខាងមុខឃ្លាំងសាំងឬស្សីកែវជាប់នឹងទីលានប្រជាធិបតេយ្យថ្មី ទី៤: ផែបណ្ដែតមុខផ្សាររាត្រី ទី៥: កំពង់ចម្លងកោះពេជ្រ-អរីយ៍ក្សត្រ ទី៦: ភូមិដើមចាន់ ឬគល់ស្ពានក្បាលថ្នល់ខាងកើត ទី៧: ចំណតរថយន្តចាក់អង្រែក្រោម ទី៨: បាក់ខែង ត្រង់ផ្លូវបំបែកលី យ៉ុងផាត់ ទី៩: ទល់មុខផ្សារព្រែកលៀប (កំពង់ចម្លងព្រែកលៀប) ទី១០: ជាប់សណ្ឋាគារសុខាភ្នំពេញ ទី១១: ភូមិកោះនរា ទី១២: កំពង់ចម្លងក្តីតាកុយ និងទី១៣: កំពង់ចម្លងតាព្រហ្មមាត់ក្រសះ។

ដោយឡែក ចំណតកំពង់ផែនៅខេត្តកណ្តាលពីរកន្លែងទៀត ដែលគ្រោងតម្លើងដែរនោះ រួមមាន៖ ទី១: មុខវត្តព្រែកសំរោងក្រុងតាខ្មៅ (កំពុងពិចារណា) និងទី២: កំពង់ចម្លងរោងចក្រក្តាបន្ទះផ្លូវត្រី។

គម្រោងដឹកជញ្ជូនអ្នកដំណើរតាមជើងទឹកនេះ ត្រូវបានលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យឹងថា ដើម្បីកាត់បន្ថយការកកស្ទះចរាចរណ៍ នៅក្នុងរាជធានីភ្នំពេញ ព្រមទាំងសម្រួលដល់ការធ្វើដំណើររបស់ប្រជាពលរដ្ឋផងដែរ។ នៅមុនពិធីបុណ្យចូលឆ្នាំថ្មី ប្រពៃណីជាតិ នាពាក់កណ្តាលខែមេសាខាងមុខនេះ ក្រសួងសាធារណការនិងដឹកជញ្ជូន ក៏នឹងដាក់ឲ្យដំណើរការរថភ្លើងដឹកអ្នកដំណើរពីស្ថានីយរថភ្លើង នៅខាងត្បូងសាលារាជធានីភ្នំពេញ ទៅមកអាកាសយានដ្ឋានអន្តរជាតិភ្នំពេញ ដោយបើកឲ្យប្រជាពលរដ្ឋជិះមិនគិតថ្លៃ រយៈពេល ៣ខែដំបូងផងដែរ៕

ប្រភព៖ rasmeinews

ពាក្យទាក់ទង

អត្ថបទសំខាន់ ព័ត៌មានសង្គម

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អត្ថបទថ្មី

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម