មកដឹងពីទេពកោសល្យសិល្បៈពិសេសៗរបស់បងប្អូនត្រកូល ចំរើន
- 2018-02-20 03:07:18
- ចំនួនមតិ 0 | ចំនួនចែករំលែក 0
មកដឹងពីទេពកោសល្យសិល្បៈពិសេសៗរបស់បងប្អូនត្រកូល ចំរើន
ចន្លោះមិនឃើញ
កញ្ញា ចំរើន សុភា ចំរើន សុភ័ក្រ និងលោក ចំរើន តារា ជាបងប្អួនត្រកូល ចំរើន ដែលមានជំនាញយ៉ាងប៉ិនប្រសប់ផ្នែកសិល្បៈបុរាណ ជាពិសេសចែករំលែកចំណេះដឹងគ្នាទៅវិញទៅទៀតផង។
**១. ចំរើន សុភា**
រៀមច្បងក្នុងគ្រួសារ នារីសម្បុរស្រអែម កញ្ញា ចម្រើន សុភា ជាសិល្បការិនីដែលមានសមត្ថភាពសម្ដែងសិល្បៈបុរាណសម័យយ៉ាងច្រើនទម្រង់ ទាំងសម្ដែងរបាំ និងច្រៀង ពិសេសនាងក៏អាចច្រៀងចម្រៀងមហោរីបានដែរ។
ត្បិតថា នាងបានបញ្ចប់បរិញ្ញាបត្រ ជំនាញរបាំប្រពៃណី នៅមហាវិទ្យាល័យ នាដសាស្រ្ដ នៃសាកលវិទ្យាល័យភូមិន្ទ និងវិចិត្រសិល្បៈ ក្នុងឆ្នាំ២០១៣ ប៉ុន្តែ សុភា អាចច្រៀងមហោរី ដែលជាជំនាញរបស់ប្អូនស្រី សុភ័ក្រ និងអាចសម្ដែងល្ខោននិយាយ របាំសហសម័យដែលជាជំនាញរបស់ប្អូនប្រុស ដារ៉ា តាមរយៈការរៀនពីប្អូនៗខ្លួនបន្ថែម។
២. ចំរើន សុភ័ក្រ
តារាចម្រៀងតូចច្រឡឹងប្រចាំផលិតកម្មរស្មីហង្សមាស នាងជាអតីតនិសិ្សត នៅមហាវិទ្យាល័យដូតន្ត្រីជំនាញមហោរី។ ស្រីស្អាតរូបនេះ ក៏មានសមត្ថភាពអាចរាំទម្រង់សិល្បៈរបាំបុរាណខ្មែរ និងរបាំប្រពៃណីបានដែរ។ នាងធ្លាប់ហ្វឹកហាត់ និងសម្ដែងរបាំបុរាណ ក្នុងក្រុមកុមារបាសាក់មុនក្លាយជាតារាចម្រៀងតាមរយៈការប្រឡងក្នុងកម្មវិធី The Voice Cambodia ។ ជាពិសេសនាងក៏បានបន្តហាត់រៀនជាមួយបងប្អូននាង មានដូចជា ជំនាញរបាំប្រពៃណី និងរបាំបុរាណ។
៣. ចំរើន ដារ៉ា
ប្អូនប្រុសពៅដែលកំពុងរៀនជំនាញល្ខោននិយាយ គេក៏ចេះជំនាញសិល្បៈដែលបងៗខ្លួនចេះផងដែរ ដូចជាច្រៀងម្រៀងសម័យ ចម្រៀងមហោរី និងរបាំប្រជាប្រិយជាដើម។ ក្រៅពីនេះកំលោះសង្ហាម្នាក់ នេះក៏មានសមត្ថភាពរាំរបាំសហសម័យយ៉ាងល្អ៕