ជ្រើសរើសដើមឈើណាមួយ នឹងបង្ហាញពីបំណងប្រាថ្នារបស់អ្នកក្នុងឆ្នាំថ្មីនេះ

2018-02-20 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខាងក្រោមនេះ គឺជាដើមឈើមានពណ៌ស្រស់ស្អាតទាំង ៩ ដែលអាចបង្ហាញពីចរិតលក្ខណៈ និងបំណងប្រាថ្នារបស់អ្នកក្នុងឆ្នាំថ្មី។ ចូរព្យាយាមជ្រើសរើសដើមឈើណាមួយ ដែលអ្នកចាប់អារម្មណ៍បំផុតដូចខាងក្រោម ៖

១. ដើម Oak

អ្នកជាមនុស្សដែលមើលឃើញផ្នែកវិជ្ជមាននៃបញ្ហា និងរឿងមិនល្អ។ ចំពោះអ្នក ជីវិតគឺជាការស្វែងរកសេរីភាព និងដំណើរផ្សងព្រេង ហើយអ្នកទទួលយកនូវអ្វីដែលនឹងកើតឡើង។ នៅក្នុងឆ្នាំថ្មីនេះ អ្នកនឹងជួបរឿងសំខាន់ និងសប្បាយចិត្តច្រើន ដោយសារតែអ្នកបានបើកទូលាយក្នុងការផ្លាស់ប្ដូរ។ ចូរត្រៀមខ្លួនសម្រាប់រឿងគួរឲ្យភ្ញាក់ផ្អើលជាច្រើនពេញមួយឆ្នាំ។

២. ដើម Larch

អ្នកជាមនុស្សដែលមានសេរីភាព និងហោះហើរដូចបក្សីដោយមិនងាកមើលក្រោយ នៅពេលដែលអ្នកសម្រេចចិត្តក្នុងការធ្វើអ្វីមួយ។ ក្នុងឆ្នាំ ២០១៨ នេះ អ្នកគួរតែផ្ដោតលើអ្វីមួយឲ្យខ្លាំងជាងមុន ទើបអាចទទួលជោគជ័យ។ ភាពឯករាជ្យពីធម្មជាតិរបស់អ្នក នឹងជួយអ្នកឲ្យសម្រេចគោលដៅ ដែលអ្នកខំប្រឹងធ្វើអស់រយៈពេលជាយូរមកហើយ។

៣. ដើម Maple

អ្នកជាមនុស្សអារម្មណ៍ច្រើន ដែលទទួលភាពឈឺចាប់ និងសប្បាយរីករាយច្រើនជាងអ្នកដទៃ។ អ្នកចំណាយពេលច្រើនក្នុងការគិតទៅលើរឿងតូចៗក្នុងជីវិត។ នៅក្នុងឆ្នាំថ្មី អ្នកអាចរំពឹងថានឹងមានដៃគូស្នេហាម្នាក់ ដែលអ្នកនឹងទទួលបទពិសោធន៍ថ្មីក្នុងជីវិត។

៤. ដើម Alder

អ្នកតែងតែជឿជាក់ថា ខ្លួនឯងជាមនុស្សខ្លាំង ហើយមានភាពសមហេតុផលនិងជាក់ស្ដែងក្នុងស្ថានភាពលំបាក។ គុណសម្បត្តិទាំងនេះ ធ្វើឲ្យអ្នកក្លាយជាមនុស្សអាចពឹងពាក់បាន និងមានមនុស្សជាច្រើនទុកចិត្តអ្នក។ ក្រៅពីនេះ អ្នកក៏ជាមនុស្សចូលចិត្តជួយអ្នកដទៃផងដែរ ដោយមិនអោបដៃឈមើលនោះទេ។ ក្នុងឆ្នាំថ្មីនេះ អ្នកនឹងជួបមនុស្សម្នាក់ដែលជឿទុកចិត្តលើអំពើល្អរបស់អ្នក ដូច្នេះចូរកុំឲ្យវារំលងទៅ ហើយព្យាយាមធ្វើតាមអារម្មណ៍និងអនុញ្ញាតឲ្យគេចូលក្នុងជីវិតរបស់អ្នក។

៥. ដើម Myrtle

អ្នកជាមនុស្សជឿលើការខិតខំប្រឹងប្រែងជាជាងសំណាង។ ដោយសារតែ អ្នកពឹងផ្អែកលើការងារទាំងស្រុង អ្នកតែងតែប្រាកដថាអ្វីគ្រប់យ៉ាងគឺស្ថិតនៅក្រោមការគ្រប់គ្រងរបស់អ្នក។ ការបំពេញភារកិច្ចទាន់ពេលវេលា ផ្តល់ឱ្យអ្នកនូវការពេញចិត្តច្រើនជាងអ្វីៗផ្សេងទៀត។ ក្នុងឆ្នាំថ្មីនេះ អ្នកទំនងជានឹងទទួលបានការដំឡើងដំណែង ដែលសាកសមនឹងញើសឈាមដែលអ្នកបានលះបង់។

៦. ដើម Plum

អ្នកជាប្រភេទមនុស្សចូលចិត្តសន្តិភាព និងការពិត ប៉ុន្តែពេលខ្លះអ្នកចង់នៅម្នាក់ឯង ដើម្បីឆ្លុះបញ្ចាំងពីពិភពលោកខាងក្រៅ។ អ្នកមានអារម្មណ៍ថា អ្នកចង់សម្រាកពីពិភពលោកនេះ ដើម្បីមានពេលខ្លះសម្រាប់ខ្លួនឯង។ ក្នុង ឆ្នាំនេះ អ្នកនឹងរកឃើញមនុស្សម្នាក់ ដែលអ្នកអាចផ្ដល់ការស្រឡាញ់ទៅឲ្យគេដោយមិនសោកស្តាយនោះទេ។ អ្នកនឹងដឹងពីសារសំខាន់ ក្នុងការអនុញ្ញាតឲ្យនរណាម្នាក់ចូលក្នុងជីវិតរបស់អ្នក។

៧. ដើម Linden

អ្នកជាមនុស្សចូលចិត្តវិភាគ និងព្យាយាមស្វែងយល់គ្រប់ជ្រុងនៃជីវិតតាមដែរអាចធ្វើបាន។ នេះហើយជាមូលហេតុដែលអ្នកយល់ដឹងពីជីវិត ហើយធ្វើឲ្យមនុស្សគ្រប់គ្នាផ្ដល់ទំនុកចិត្តមកលើអ្នក។ ឆ្នាំនេះ អ្នកជួបមនុស្សម្នាក់ដែលយកចិត្តទុកដាក់ និងមានទំនុកចិត្តដូចអ្នកដែរ។ ដោយសារតែមានអារម្មណ៍ដូចគ្នា អ្នកទាំងពីរនឹងបង្កើតស្នេហាមួយដ៏អស្ចារ្យ។

៨. ដើម Chestnut

អ្នកជាមនុស្សដែលចូលចិត្តការសម្រាក និងមានការច្នៃប្រឌិតខ្ពស់។ អ្នកនឹងជួបមនុស្សម្នាក់ដែលទទួលយកភាពសមហេតុសមផល ជាជាងការប្រើប្រាស់អារម្មណ៍។ ទោះបីគេ ជាមនុស្សសមហេតុសមផលក៏ដោយ គេនឹងតែងតែផ្ដល់ទំនុកចិត្តឲ្យអ្នក។

៩. ដើម Willow

អ្នកជាមនុស្សដែលចូលក្នុងសង្គម និងមានភាពរំភើបក្នុងការជួបមនុស្សថ្មី។ កត្តានេះហើយ ធ្វើឲ្យអ្នកទាក់ទាញមនុស្សជាច្រើនចូលក្នុងជីវិត។ នៅក្នុងឆ្នាំថ្មីនេះ អ្នកនឹងទទួលបានកិត្តិនាមដ៏ល្អ ដែលបានរំពឹងទុកជាយូរមកហើយ៕

ចុចអាន ៖

ប្រភព៖ interesting-facts ប្រែសម្រួល៖ រ័ត្ន