Will.i.am បង្ហើបថា Nicole Scherzinger អាចជាសមាជិកថ្មីរបស់ក្រុមចម្រៀង Black Eyed Peas

2018-02-20 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតសមាជិកក្រុមចម្រៀង The Pussycat Dolls អ្នកនាង Nicole Scherzingerតាមពិតជាសមាជិកដើមម្នាក់ ដែលតម្រូវឲ្យចូលរួមជាសមាជិកក្រុម Black Eyed Peas តាំងពីឆ្នាំ២០០១ មកម្ល៉េះប៉ុន្តែតំណែងនេះបានធ្លាក់ទៅលើ Fergie ជំនួសវិញ។

លោក Will.i.am

ដោយសារតែ Will នៅតែមានទំនាក់ទំនងល្អជាមួយនឹង Nicole ហើយក្រុមចម្រៀងនេះកំពុងតែខ្វះសមាជិកម្នាក់ផងនោះ ថាមិនត្រូវពួកគេអាចនឹងចូលក្រុមជាមួយគ្នាក៏ថាបាន។

និយាយរឿងពាក់ព័ន្ធនឹង Fergie លោក Will បញ្ជាក់ថា៖ "ពេលនេះក្រុមយើងមានសមាជិកតែបីរូបទេ។ ខ្ញុំមិនដឹងពីហេតុផលដែល Fergie មិនចូលរួមក្នុងគម្រោងថ្មីនេះទេ។ អ្នកគួរតែសាកសួរ Fergie បើសិនបើចង់ដឹងច្បាស់។" តារារូបនេះបន្តថា៖ "ទោះបីជាពួកយើងគ្មាន Fergie ក៏ពួកយើងនៅតែអាចសម្រេចគម្រោងនេះបានដែរ។"

ចំពោះទំនាក់ទំនងរបស់លោក និង Nicole វិញ មេក្រុម B.E.P រូបនេះប្រកាសថាពួកគេធ្លាប់មានការប្រជុំក្នុងក្រុម ហើយពួកគេព្យាយាមធ្វើគ្រប់យ៉ាងបើសិនជា Nicole សម្រេចចិត្តមកជាមួយពួកគេ។

ចំពោះរឿងរ៉ាវនៃការត្រលប់មកវិញរបស់ P.C.D, Will បាននិយាយថាខ្លួនបានសាកសួរ Nicole រួចហើយប៉ុន្តែនាងមិនបានប្រកាសអ្វីជាផ្លូវការទេ។

Nicole Scherzinger

ពេលនេះ Nicole កំពុងតែនៅក្នុងក្រុមជជែកគ្នា (Group Chat) ក្នុងកម្មវិធីទូរសព្ទ What's App ដែលក្នុងនោះមានទាំងសមាជិកក្រុមទាំង៣រូបផងដែរ ប៉ុន្តែមិនមាន Fergie នៅជាមួយនោះទេ។

ដូច្នេះភាគរយដែលសមាជិកគ្រោងដើមរបស់ B.E.P អាចត្រលប់មកវិញពេលនេះគឺមានច្រើន៕

អានអត្ថបទ៖

ប្រភព៖ Metro ប្រែសម្រួល៖ ធារ៉ូ