Aaron Kwok ជំពាក់អាំងប៉ាវប្រជាជនទូទាំងហុងកុងជាង ២ទសវត្សរ៍ អត់ខ្ចីឲ្យ

2018-02-21 02:00:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងតួស៊ុនអ៊ូខុងជំនាន់ថ្មី បានធ្វើឲ្យអ្នកគាំទ្ររបស់ខ្លួនជាច្រើនទន្ទឹងរង់ចាំយ៉ាងអន្ទះសានូវកាដូអាំងប៉ាវ ដែលខ្លួនសន្យាថានឹងឲ្យអ្នកគ្រប់គ្នា។

បើតាមវិបសាយ Sin Chew Daily តារាហុងកុង Aaron Kwok បានសន្យាជាមួយប្រជាជនហុងកុងទាំងអស់កាលពីអំឡុងឆ្នាំ ១៩៩៤ ថាគ្រប់គ្នាដែលនៅក្នុងប្រទេសនឹងទទួលបាន អាំងប៉ាវពីលោកទាំងអស់ ក្រោយលោករៀបការ។ ប៉ុន្តែតាំងពី តារាវ័យ ៥២ឆ្នាំរូបនេះ បានរៀបការជាមួយតារាសម្ដែង និងម៉ូដែលវ័យ ៣០ឆ្នាំ Moka Fang កាលពីខែមេសា ឆ្នាំ ២០១៧មក ដូចជាមិនទាន់មានដំណឹងអាំងប៉ាវចេញពីលោកសោះ។ ចំណែកមហាជនក៏តែងព្យាយាមរម្លឹកលោកពីសន្យានោះរហូតដែរ។

Aaron និងភរិយាក្នុងថ្ងៃរៀបការ

ទាក់ទងនឹងរឿងនេះដដែល មានមតិខ្លះគិតថា ប្រហែលជា Aaron ភ្លេចហើយ ព្រោះវាមានរយៈពេលយូរដែរ ហើយខ្លះគិតលើកឡើងថា ប្រសិននៅចាំពីពាក្យសន្យានោះ លោកនឹងត្រូវត្រៀមអាំងប៉ាវច្រើន ព្រោះចំនួនប្រជាជនក្នុងទីក្រុងហុងកុងបច្ចុប្បន្នកើនឡើងគួរសមដែរ៕