ចង់ចាប់ផ្ដើមជំនួញតែមិនដឹងត្រូវធ្វើម៉េច គួរចូលរួមសិក្ខាសាលានេះ

2018-02-21 04:43:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីចូលរួមចែករំលែកបទពិសោធន៍ និងចំណេះដឹងនៃការចាប់ផ្ដើមអាជីវកម្មដល់អ្នកជំនាន់ថ្មី ក្រុមការងារ INSPIRED.Cambodia បានរៀបចំកម្មវិធី SPARK. រដូវកាលទី២ ក្រោមប្រធានបទ "រឿងរ៉ាវជំរុញទឹកចិត្តនៃការផ្ដើមអាជីវកម្ម”(The inspiring story behind every start-up)។ ការយល់ច្បាស់ពី រឿងរ៉ាវទាំងនេះនឹងជួយឲ្យអ្នកអាចត្រៀមខ្លួនកាន់តែប្រសើរមុននឹងប្រឡូកក្នុងវិស័យជំនួញ។នេះបើតាមការលើកឡើងរបស់អ្នកតំណាង INSPIRED.Cambodia ។

លោកបន្តថា៖ «ធម្មតាពេលឃើញមនុស្សជាច្រើនជោគជ័យក្នុងជំនួញជំរុញឲ្យអ្នកក៏ចង់ចាប់ផ្ដើមជំនួញដែរ។ តែអ្នកក៏ដឹងច្បាស់ដែរថា ដើម្បីទទួលបានជោគជ័យក្នុងវិស័យនេះ មិនមែនជារឿងងាយស្រួលទេ សំខាន់នោះតើគួរចាប់ផ្ដើមរបៀបណា? ហើយអាចជួបឧបសគ្គអ្វីខ្លះ?។ ទាំងនេះនឹងត្រូវបានចែករំលែកក្នុងសិក្ខាសាលា SPARK.2 ដោយបុគ្គលជោគជ័យជាច្រើន»។

«វាគ្មិនរបស់យើងមាន Background ខាងជំនួញផ្សេងៗគ្នា នឹងអាចចែករំលែកនូវគំនិតល្អៗ និងបទពិសោធន៍ថ្មីៗ ដល់អ្នកចូលរួមតាមរយៈការនិយាយជាសាធារណៈ និងការពិភាក្សាតុមូល។ ក្រៅពីនេះក៏នឹងមានការពិភាក្សាលម្អិតជុំវិញការផ្ដួចផ្ដើមបង្កើតគំនិតអាជីវកម្ម ការបង្កើតក្រុមការងារ ការស្វែងរកទុនដើម្បីចាប់ផ្ដើម របៀបគ្រប់គ្រងជំនួញ និងឧបសគ្គក្នុងការដំណើរការជាដើម។

ការនិយាយជាសាធារណៈរបស់វាគ្មិនក្នុងកម្មវិធី SPARK. កាលពី ខែកញ្ញា ២០១៧

« សូមកុំចាប់ផ្ដើមជំនួញទាំងប្រថុយប្រថាន។ ចូលរួមសិក្ខាសាលាយើង អ្នកនឹងបានដឹងពីវិធីសាស្ត្រក្នុងការបង្កើតអាជីវកម្ម ហើយរាល់ចម្ងល់របស់អ្នកនឹងត្រូវបានបកស្រាយដោយផ្ទាល់ពីវាគ្មិនដែលមានបទពិសោធន៍ក្រាស់ក្រែងក្នុងវិស័យនេះ ពិសេសគឺអ្នកអាចជួបសាកសួរផ្ទាល់ពីគន្លឹះអាជីវកម្មជោគជ័យរបស់ពួកគេ»។

ចាប់អារម្មណ៍ចង់ចូលរួម សូមកក់សំបុត្រឥឡូវនេះ [សូមចុចទីនេះ(https://goo.gl/3PGa1Y)