តារាហូលីវូដម្នាក់សារភាពអត់បាយ៧ថ្ងៃ ក្រោយលែងលះភរិយា

2018-02-21 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ashton Kutcher ដែលជាតារាសម្ដែងដ៏ល្បីឈ្មោះមួយរូបនៅហូលីវូដសារភាពថា ខ្លួនបានចំណាយពេល៧ថ្ងៃ ធ្វើដំណើរទៅកាន់ភ្នំដោយមិនញ៉ាំអាហារអ្វីទាំងអស់ គឺគ្រាន់តែផឹកទឹកតែនិងទឹកធម្មតាតែប៉ុណ្ណោះ។

Ashton និងអតីតភរិយា Demi Moore

តារាវ័យ៤០ឆ្នាំរូបនេះបាននិយាយនៅក្នុងកម្មវិធីជជែកកម្សាន្ត "Armchair Expert” ថា៖ "បន្ទាប់ពីខ្ញុំលែងលះភ្លាម ខ្ញុំធ្វើដំណើរទៅកាន់ភ្នំមួយអាទិត្យដោយខ្លួនឯង។ ខ្ញុំមិនយកអ្វីទៅតាមខ្លួនទាំងអស់ដូចជា កុំព្យូទ័រ ទូរស័ព្ទ ជាដើមគឺមានតែដបទឹកនិងទឹកតែសម្រាប់មួយអាទិត្យតែប៉ុណ្ណោះ។"

តារារូបនេះ បានបញ្ជាក់ជាខ្លួនមានអាការៈរវើរវាយដោយសារមិនញ៉ាំអាហារនៅថ្ងៃទី២ ប៉ុន្តែនិយាយបែបកំប្លែងថាខ្លួនពេញចិត្តនឹងអាការៈបែបនេះ។

នៅលើកំពូលភ្នំ Montana ដែលលោកបានឡើងទៅនោះ Ashton បានសរសេរឈ្មោះនូវរាល់អតីតគូស្នេហ៍ ដែលខ្លួនធ្លាប់ធ្វើខុសដាក់និងព្យាយាមកែប្រែខ្លួន។ នៅខណៈពេលនោះ តារារូបសង្ហានេះបានបែកបាក់ជាមួយភរិយា ដែលមានអាយុច្រើនជាង១៦ឆ្នាំ តារាសម្ដែង Demi Moore បន្ទាប់ពីនាងចាប់បានថា លោកក្បត់នាងជាមួយស្រីថ្មី។

ឥឡូវនេះ Ashton បានរៀបការជាមួយភរិយាថ្មី តារាសម្ដែង Mila Kunis និងមានកូនជាមួយគ្នាដល់ទី២រូប ហើយរស់នៅជាមួយគ្នាយ៉ាងមានសុភមង្គល៕