មិនដែលឮឈ្មោះសោះ ចេញប្រកាសក្តែងៗស្មាតហ្វូនខ្លួនអាចថតរូបនូវកម្រិត 80MP

2018-02-22 09:29:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតស្មាតហ្វូន Noa បានប្រកាសទុកជាមុននូវតម្លៃនិងលក្ខណៈសម្បត្តិគ្រឿងនៃម៉ូឌែល N7 ត្រៀមដាក់បង្ហាញក្នុងពិព័រណ៍ MWC 2018។ ជាផលិតផលមានដើមកំណើតនៅប្រទេសក្រូអាត ដែលរំលេចមុខងារពិសេស High-Resolution អនុញ្ញាតឲ្យអ្នកប្រើប្រាស់អាចផ្ដិតយករូបភាពសន្លឹកនៅកម្រិត 80MP។

ផ្អែកតាមវីដេអូមួយលើគេហទំព័រ YouTube ស្មាតហ្វូនធន់កណ្តាលនេះ មានប្រើ Sensor កាមេរ៉ា ប្រភេទ SONY IMX298 ទំហំ 16+16MP ភ្លោះពីរគ្រាប់នៅខាងក្រោយ ប៉ុន្តែមានសមត្ថភាពពិសេសអាចចាប់យករូបភាពនៅទីតាំងឆ្ងាយ និងបាត់បង់គុណភាពដើមតិចតួចបំផុត។ បន្សំនឹងបច្ចេកវិទ្យា Pixel-Shift អមនឹងឥទ្ធិពលគ្រាប់កាមេរ៉ាភ្លោះ បានប្រែមុខមាត់ស្មាតហ្វូនត្រកូលថ្មី ផ្ទុះការចាប់អារម្មណ៍ដល់អ្នកនិយមវិស័យថតរូប។

លក្ខណៈសម្បត្តិម៉ាស៊ីនផ្សេងទៀតមានប្រើមុខងារស្កេនផ្ទៃមុខ Face-ID បំពាក់អេក្រង់ ៥.៧ អ៊ីញនៅមាត្រដ្ឋាន ១៨:៩ កម្រិត HD+ រត់លើឈីប MediaTek MT6750។ ក្រុមហ៊ុន Noa ក៏បញ្ជាក់ច្បាស់រួចមកហើយ ម៉ូឌែល N7 នឹងមានលក់តាមហាងចែកចាយក្នុងតម្លៃ ៣១០ ដុល្លារ នៅទីផ្សារអឺរ៉ុប។