បុរសថៃកំពូលសំណាង មានប្រពន្ធ ២ ស្អាតដូចតារា ចេញមុខប្រាប់ពីអាថ៌កំបាំង

2018-02-22 07:27:03
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីរូបថតបុរសថៃដែលមានប្រពន្ធ ២ នាក់ស្រស់ស្អាតមិនចាញ់តារា បានទាក់ទាញចំណាប់អារម្មណ៍អ្នកនិយមលេងបណ្ដាញសង្គម កាលពីសប្ដាហ៍មុនមក ពួកគេទាំង ៣ នាក់រួមទាំងកូនៗទាំងអស់ ៩ នាក់ បានចេញមុខផ្ដល់បទសម្ភាសន៍ជាច្រើន ដែលចែករំលែកអំពីអាថ៌កំបាំងរបស់ពួកគេ ក្នុងខ្សែជីវិតអាពាហ៍ពិពាហ៍ដ៏រីករាយ។

រឿងរ៉ាវដ៏គួរឲ្យភ្ញាក់ផ្អើលនេះបានកើតឡើង នៅពេលដែលប្រពន្ធទី ២ គឺនាង Warissara Poksrichan អាយុ ៣២ ឆ្នាំ បានបង្ហោះរូបថតរបស់ពួកគេទាំង ៣ នាក់ នៅថ្ងៃទិវានៃក្តីស្រលាញ់ ហើយទទួលបានការចែករំលែករាប់ពាន់ដង។

នាង Warissara បានសរសេរបែបកំប្លែងថា «មនុស្សគ្រប់គ្នាកំពុងអួតពីស្វាមីនៅលើ Facebook។ ស្វាមីរបស់ខ្ញុំមានប្រពន្ធដល់ទៅ ២ នាក់។ វាមានរយៈពេលជាច្រើនឆ្នាំមកហើយ ដែលខ្ញុំមិនផ្លាស់ប្ដូរចិត្តពីអ្នក។ រឿងតែមួយគត់ដែលបានផ្លាស់ប្ដូរ គឺ ទំហំនៃសុដន់របស់យើង»។

បុរសជាប្តីមានឈ្មោះថា Manop Nuttayothin អាយុ ៤២ ឆ្នាំ បានប្រាប់កាសែតក្នុងស្រុកឲ្យដឹងថា តាមការពិតលោកមានប្រពន្ធចំនួន ៣ នាក់ ប៉ុន្តែប្រពន្ធដំបូងបង្អស់បានស្លាប់បាត់ទៅហើយ និងមានកូន ៣ នាក់ជាមួយគ្នា។ លោក Manop បានរស់នៅជាមួយប្រពន្ធទី ២ អស់រយៈពេលជាង ១០ ឆ្នាំ ក្រោយមកក៏បានជួបប្រពន្ធទី ៣ គឺនាង Nattaya Tongpan អាយុ ២៦ ឆ្នាំ។ ប្រពន្ធទាំង ២ សុទ្ធតែមានកូន ៣ នាក់ជាមួយលោក Manop។

ប្រពន្ធដ៏ស្រស់ស្អាតទាំង ២ បានជួយដល់ជំនួញរបស់លោក ដែលលក់គ្រឿងបន្លាស់រថយន្ត នៅព្រឹត្តិការណ៍ប្រណាំងរថយន្តធំៗក្នុងប្រទេសថៃ។ លោក Manop ថា លោកឲ្យប្រាក់ខែប្រពន្ធ តែមិនប្រាប់ថាឲ្យប៉ុន្មានឡើយ។ ប៉ុន្តែលោកបានបញ្ជាក់បន្ថែមថា វាមិនមែនជារឿងលុយកាក់នោះ ទេ។

ជាមួយគ្នានេះដែរ នាង Warissara បានតបនឹងសម្ដីរបស់ប្ដីទាំងញញឹមថា «វាជាការពិតណាស់។ ចំពោះក្មេងៗ គាត់ឲ្យពួកគេ ១០០ ភាគរយ។ ចំពោះប្រពន្ធវិញ ប្រសិនបើយើងសុំគាត់ ១ ០០០ បាត គាត់ឲ្យតែ ២០០ បាតប៉ុណ្ណោះ»។

យ៉ាងណាមិញ ចំពោះ Manop ផ្ទាល់ លោកបានសារភាពថា លោកជាមនុស្សសំណាងម្នាក់ដែលមានប្រពន្ធដល់ទៅ ៣ នាក់ ហើយអាថ៌កំបាំងនៃអាពាហ៍ពិពាហ៍ដ៏រីករាយនេះគឺ លោកនឹងបញ្ចប់ការប៉ះទង្គិចគ្នាភ្លាមៗតែម្ដង។

«នៅពេលមានបញ្ហាកើតឡើង ខ្ញុំនិយាយជាមួយពួកគេអំពីវា។ ជួនកាល នៅពេលវាកើតឡើង ទើបខ្ញុំដឹងថា ខ្ញុំលំអៀងជាមួយប្រពន្ធម្ខាង។ នៅពេលខ្ញុំយល់ថាវាជាបញ្ហា ខ្ញុំត្រូវប្រាកដថា ខ្ញុំមើលថែ និងយកចិត្តទុកដាក់លើប្រពន្ធទាំង ២ ឲ្យស្មើភាពគ្នា។ យើងធ្វើអ្វីដូចគ្នា។ យើងធ្វើអ្វីគ្រប់យ៉ាងជាមួយគ្នា។ វាពិតជាល្អបំផុត»៕

ចុចអាន៖

ប្រភព៖ Coconut ប្រែសម្រួល៖ សេង ឡុង