ត្រឹម៣ថ្ងៃ ប្អូនស្រី គីម ជុងអ៊ុន ចាយលុយកូរ៉េខាងត្បូង អស់ជាង២០ម៉ឺនដុល្លារ នៅកីឡាអូឡាំពិករដូវរងា

2018-02-23 01:44:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កូរ៉េខាងត្បូង បានចំណាយលុយប្រហែល ២៤០ លានវុន ឬជាង ២២០ ០០០ ដុល្លារអាមេរិក ទៅលើប្អូនស្រីមេដឹកនាំកូរ៉េខាងជើង គីម ជុងអ៊ុន និង អ្នកអមដំណើររបស់នាង ក្នុងរយៈពេល ៣ ថ្ងៃ នៃការចូលរួមកីឡាអូឡាំពិករដូវរងា។ នេះបើយោងតាមមន្ត្រីរដ្ឋាភិបាលម្នាក់បានប្រាប់ឲ្យដឹង កាលពីថ្ងៃព្រហស្បតិ៍។

លុយទាំងនោះភាគច្រើនត្រូវបានចំណាយលើការស្នាក់នៅ , ការដឹកជញ្ជូន និង អាហារ សម្រាប់សមាជិកគណៈប្រតិភូ ៤ រូប និង បុគ្គលិក ១៨ នាក់ផ្សេងទៀត។ ប្អូនស្រី លោក គីម ជុងអ៊ុន មានឈ្មោះថា គីម យូជុង (Kim Yo Jong) និងមន្ត្រីកូរ៉េខាងជើងផ្សេងទៀត បានស្នាក់នៅសណ្ឋាគារលំដាប់ផ្កាយ ៥ ក្បែរមាត់ទន្លេ ស្ថិតនៅភាគខាងកើតទីក្រុងសេអ៊ូល មានឈ្មោះថា Walkerhill Hotel។

ផ្ទុយទៅវិញ គណៈកម្មាធិការអូឡាំពិកអន្តរជាតិ (International Olympic Committee) បានចំណាយលុយប្រហែលត្រឹម ៥០ ០០០ ដុល្លារអាមេរិកប៉ុណ្ណោះ សម្រាប់ការហ្វឹកហ្វឺន និងការរៀបចំអត្តពលិកអូឡាំពិក ចំនួន ២២ នាក់ ឬស្មើនឹង ២ ៣០០ ដុល្លារក្នុងម្នាក់។

ជាមួយគ្នានេះដែរ គេក៏បានចំណាយចំណែកតូចមួយ ទៅលើក្រុមអ្នកចូលរួមចំណែកយ៉ាងធំធេង សម្រាប់ព្រឹត្តិការណ៍កីឡាអូឡាំពិករដូវរងា ដែលរួមមាន អ្នករាំគាំទ្រ ២២៩ នាក់ និង ក្រុមតន្ត្រីករ ១៣៧ នាក់ផងដែរ៕