មិនត្រឹមតែពូកែស៊ុតទេ Salah ថែមទាំងពូកែសម្ដីទៀត

2018-02-23 13:32:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Mohamad Salah ក្នុងថ្ងៃនេះ បាននិយាយថា សុបិនរបស់ខ្លួនគឺឈ្នះពាន Premier League ប៉ុន្តែក្លឹបដែលខ្លួនចង់ឈ្នះពាននេះជាមួយគឺ ក្លឹបហង្សក្រហម Liverpool។

កីឡាករអេហ្សីបបានថ្លែងប្រាប់អ្នកសារព័ត៌មាន Football Focus ថា៖ "ខ្ញុំមកចូលរួម Liverpool គឺដើម្បីឈ្នះពាន។ ខ្ញុំសូមបញ្ជាក់ប្រាប់ទៅអ្នកគាំទ្រក្លឹបថា ពួកយើងកំពុងខំប្រឹងប្រែង ១០០ ភាគរយ ដើម្បីព្យាយាមឈ្នះពានឲ្យក្លឹប"។

Salah បាននិយាយទៀតថា៖ "វាមានរយៈពេលយូរមកហើយ ដែលក្លឹបមិនបានឈ្នះពាន Premier League។ បើទោះជាក្ដីសុបិនរបស់ខ្ញុំគឺ ការឈ្នះពានមួយនេះ ប៉ុន្តែខ្ញុំចង់ឈ្នះវាជាមួយ Liverpool"។

ក្លឹបហង្សក្រហមមិនទាន់បានលើកពានលីគកំពូលអង់គ្លេសម្ដងឡើយ តាំងពីសម័យកាល Premier Leagueបានចាប់ផ្ដើមនៅឆ្នាំ ១៩៩២ មក។

សូមបញ្ជាក់ផងដែរថា តាំងពីចូលរួមជាមួយក្លឹបហង្សក្រហម កាលទីផ្សារដោះដូររដូវក្ដៅឆ្នាំមុនមក Salah បានបង្ហាញទម្រង់លេងបានយ៉ាងល្អ។ គិតមកទល់ពេលនេះ កីឡាករអេហ្ស៊ីបស៊ុតចូលបាន ២២គ្រាប់ហើយ ក្នុងលីគកំពូលអង់គ្លេស៕

ប្រភព៖ BBC ប្រែសម្រួល៖ ហ៊ីម រស្មី