តារាថៃ ១០រូប ជាប់ឈ្មោះក្នុងបញ្ជីអ្នកស្អាតស្អំជាងគេប្រចាំពិភពសិល្បៈ

2018-02-24 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដែតខ្លួនលើវិថីសិល្បៈ ងាយនឹងរងព្យុះភ្លៀងព័ត៌មានអាស្រូវណាស់ ប៉ុន្តែក៏អាស្រ័យលើតារាៗដែរ។ តារាខ្លះមានភាពល្បីល្បាញខ្លាំង តែទន្ទឹមនឹងភាពល្បីល្បាញទាំងនោះ ក៏មានដំណឹងមិនល្អខ្លះតាមហែហមពួកគេដែរ។

ប៉ុន្តែទោះជាយ៉ាងណា មហាជនក៏មានការសរសើរអស់ពីចិត្តចំពោះតារាស្រី ១០រូបខាងក្រោមដែរ ព្រោះអ្នកទាំងនោះ តែងមានព័ត៌មានល្អៗជានិច្ច ដែលស្ដែងចេញពីអំពើល្អដែលពួកគេបានសាង ដូចជាចូលរួមក្នុងការងារមនុស្សធម៌ជាច្រើន។

១. តារាសម្ដែង Cherry Khemupsorn

នាងបានសម្រេចលាឈប់ពីសិល្បៈមួយរយៈ ដើម្បីទុកពេលទៅធ្វើការខ្លះសម្រាប់សង្គម។

២. តារាសម្ដែង Aff Taksaorn

លើកលែងព័ត៌មានបែកគ្នាជាមួយស្វាមី Aff ក៏ត្រូវចាត់ទុកថាជាតារាស្រីដែលសម្បូរព័ត៌មានល្អៗដែរ។

៣. តារាសម្ដែង Anne Thongprasom

បើនិយាយពី Anne វិញ អ្នកគាំទ្រចាត់ទុកថាជារាជិនីប្រចាំពិភពសិល្បៈថៃ ព្រោះនាងមិនដែលមានព័ត៌មានអាស្រូវស្អុយឈ្មោះម្ដងណាឡើយ។

៤. តារាសម្ដែង Yui Jiranan

សម្រាប់ Yui វិញចូលសិល្បៈអស់រយៈជាង ១០ឆ្នាំហើយ។ តារាស្រីសុភាពរាបសាររូបនេះ មិនដែលប្រទះព័ត៌មានមិនល្អទេ ព្រោះនាងមិនដែលបង្កជម្លោះ ឬមានបញ្ហាជាមួយបុគ្គលនាម្នាក់ឡើយ។

៥. តារាសម្ដែង Kik Mayurin

ឃើញតែដើរតួចិត្តអាក្រក់ក្នុងភាពយន្តជាច្រើន ប៉ុន្តែ Kik ជាតារាស្រីដែលស្អាតស្អំ និងមិនដែលឃើញព័ត៌មានណាចុះមិនល្អពីនាងទេ។

៦. តារាសម្ដែង Matt Peeranee

តារាថៃកូនកាត់អឺរ៉ុបនេះ មានទំនាក់ទំនងស្នេហាជាមួយលោក Hi So Pat អស់រយៈពេលជាង ១០ឆ្នាំមកហើយ ហើយស្នេហាអ្នកទាំង ២មិនដែលល្អក់កករ ឬមានរឿងអ្វីមិនល្អដែរ។

៧. តារាសម្ដែង Nadech Kugimiya

ដូចប្រិយមិត្តជាច្រើនបានជ្រាបច្បាស់ហើយ ថាតារាប្រុសរូបនេះតែងមានមុខជារឿយៗក្នុងសកម្មភាពមនុស្សធម៌។ លោក ជាអ្នកចូលចិត្តធ្វើបុណ្យទាន ហើយមានចរិតសុភាពរាបសារគួរឲ្យស្រឡាញ។ ហេតុនេះ Nadech ក៏មិនដែលមានព័ត៌មានមិនល្អដែរ។

៨. តារាសម្ដែង Ken Theeradeth

តារាប្រុសរូបនេះ ក៏ជាប់ឈ្មោះជាតារាដែលតែងមានព័ត៌មានល្អជាប់ខ្លួនដែរ។ ជីវិតរស់នៅលោកប្រចាំថ្ងៃ មានសុភមង្គលណាស់ជាមួយប្រពន្ធ និងកូន ២នាក់។

៩. តារាសម្ដែង Mew Nittha

ដោយសារអត្តចរិតរបស់ Mew ត្រឹមត្រូវ និងតែងមានប្រាស្រ័យទាក់ទងល្អជាមួយអ្នកគ្រប់គ្នាជុំវិញខ្លួន ទើប Mew មិនដែលប្រទះដំណឹងអាស្រូវ។

១០. តារាសម្ដែង Jeab Lalana

ក្រោយចូលសិល្បៈអស់រយៈពេលជាង ១០ឆ្នាំ មិនដែលឃើញព័ត៌មានណាផ្សាយមិនល្អពី Jeab ទាល់តែសោះ។ ផ្ទុយមកវិញមានតែ ព័ត៌មានល្អ ដែលកើតចេញអំពើល្អ ចូលចិត្តជួយមនុស្សគ្រប់គ្នា៕

ចុចអាន៖

ប្រភព៖ thaistarnews ប្រែសម្រួល៖ យី សុធារី