ហេតុអ្វីរៀបការជិត ១០ឆ្នាំ តួនាងឡាំយ៉ង និងប្ដីរកកូន ១គ្រាប់មិនបាននឹងគេ?

2018-02-26 01:23:41
ចំនួនមតិ 0 | ចំនួនចែករំលែក 0

ចន្លោះមិនឃើញ

រៀបការរួចជាច្រើនឆ្នាំមកហើយ ប៉ុន្តែអ្នកគាំទ្រមិនទាន់ឮដំណឹងថាតារាសម្ដែង Nune Woranuch និងស្វាមីមានបុត្រសោះ ដែលបង្កើតជាចម្ងល់ដល់មហាជនថា ហេតុអ្វីនាងមិនទាន់គិតគូររឿងនេះ?

ជាឱកាសល្អ Nune ត្រូវបានអញ្ជើញចូលរួមក្នុងកម្មវិធី Kui Zapp Show ហើយក៏បានបកស្រាយនឹងសំណួរនេះតែម្ដង។ នៅពេលដែលពិធីករសួរថា តើនាងធុញទ្រាន់ទេ ពេលគ្រប់គ្នារម្លឹកបញ្ហាកូនចៅ? តារាស្រីតួ នាងឡាំយ៉ងរូបនេះក៏បាននិយាយថា៖ "ខ្ញុំមិនដែលធុញអ្វីនោះទេ ហើយក៏អរគុណចំពោះអ្នកគ្រប់គ្នា ដែលគាំទ្រខ្ញុំឲ្យមានកូន។ ជួបមនុស្សនៅខាងក្រៅជាច្រើន ពួកគេតែងសួរខ្ញុំពីបញ្ហានេះដូចគ្នា។ សព្វថ្ងៃខ្ញុំមានក្ដីសុខជាមួយជីវិតប្រចាំថ្ងៃរបស់ខ្ញុំណាស់ ហើយខ្ញុំ និងប្ដីក៏មានការងារច្រើនត្រូវធ្វើដែរ ដូចនេះមិនទាន់មានពេលគិតរឿងនេះទេ”។

សំណួរ១ទៀតក៏គួរឲ្យចាប់អារម្មណ៍ដែរចេញពីពិធីករគឺ៖ "តើអ្នកធ្លាប់និយាយជាមួយប្ដីថា អ្នកនឹងមិនមានកូនក្នុង១ជីវិតនេះទេ?”

Nune ឆ្លើយថា៖ "ខ្ញុំមិនដែលនិយាយថាខ្ញុំនឹងមិនមានកូនទេ។ ពួកយើងគិតថា យើងមានសុភមង្គលរួចទៅហើយសព្វថ្ងៃ ហើយក្នុងន័យនេះក៏បានសេចក្ដីថា បើទោះអត់កូន ក៏យើងរីករាយនឹងជីវិតនេះជាមួយគ្នាដែរ”។

បើគិតមកដល់ឆ្នាំ ២០១៨នេះ Nune និងស្វាមីបានរៀបអាពាហ៍ពិពាហ៍នឹងគ្នាអស់រយៈពេលជិត ៨ឆ្នាំហើយ។ ប្ដីប្រពន្ធ១គូនេះ តែងមានអធ្យាស្រ័យល្អនឹងគ្នា ហើយមិនដែលមានរឿងល្អក់កករនឹងគ្នានោះឡើយ៕