ដាក់ចំៗ! រដ្ឋមន្រ្តីប្រទេសមួយថា បើចង់រកសេវាផ្លូវភេទ ទៅលេងនៅថៃទៅ!

2018-02-28 02:32:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Hamat Bah រដ្ឋមន្ត្រីក្រសួងទេសចរណ៍របស់ប្រទេសហ្គាំប៊ី បានធ្វើការប្រកាសកាលពីពេលថ្មីៗនេះថា ទេសចរបរទេសដែលមានបំណងមកកម្សាន្ត ដើម្បីស្វែងរកសេវាកម្មផ្លូវភេទ មិនគួរធ្វើដំណើរទៅកាន់ប្រទេសរបស់លោកនោះទេ។ ផ្ទុយទៅវិញ លោកបានប្រាប់ទេសចរថា គួរទៅលេងនៅប្រទេសថៃ បើចង់ជាវសេវាកម្មយ៉ាងដូច្នេះ។

លោក Hamat Bah

លោក Bah និយាយថា៖ "ប្រសិនបើអ្នកចង់រកសេវាកម្មសិច អ្នកគួរទៅលេងនៅប្រទេសថៃ។ ហ្គាំប៊ីមិនមែនជាកន្លែងផ្ដល់សេវាកម្មសិចទេ។ យើងមិនមែនជាដាច់ខាត ហើយសូមឲ្យប្រជាពលរដ្ឋហ្គាំប៊ីត្រូវចងចាំឃ្លានេះឲ្យច្បាស់។ យើងមិនអាចទ្រាំមើលប្រទេសនេះឈានដល់ដំណាក់កាលដូច្នេះទេ។ យើងត្រូវការពារ និងអភិរក្សប្រទេសនេះ"។

ក្រោយពីការប្រកាសខាងលើរបស់រដ្ឋមន្ត្រីប្រទេសហ្គាំប៊ី គេមិនទាន់ឃើញមានប្រតិកម្មយ៉ាងណាពីរដ្ឋាភិបាលប្រទេសថៃនោះទេ៕

ចុចអាន៖

ប្រភព៖ Kley Kley ប្រែសម្រួល៖ ឈាង