Jennifer Lawrence នៅមិនសុខ រៀបរាប់ពីរឿងហេតុទាក់ទងនឹងឧក្រិដ្ឋកម្មកាំភ្លើង

2018-02-28 05:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Jennifer Lawrence មិនយល់ស្របនឹងប្រធានាធិបតីអាមេរិក Donald Trump ថាភាពយន្តគឺជាអ្វីដែលត្រូវបន្ទោស ទាក់ទងនឹងហេតុការណ៍បាញ់សម្លាប់រង្គាលនៅសហរដ្ឋអាមេរិក។ តារារូបនេះបាននិយាយថា ដើមចមនៃបញ្ហាគឺកាំភ្លើងតែម្ដង មិនមែនឧស្សាហកម្មកម្សាន្តនោះទេ ទៅកាន់ទស្សនាវដ្ដី InStyle នៅក្នុងការសម្ពោធភាពយន្តថ្មី "Red Sparrow” នៅទីក្រុង New York។

Jennifer បន្តថា៖ "ពេលខ្លះ វាគួរតែមានការបែងចែករវាងនយោបាយនិង វិស័យកម្សាន្ត ឬក៏យើងនឹងមានបញ្ហាកាន់តែច្រើន។ វាគឺជាសិល្បៈ ជាសិល្បៈដើម្បីលម្ហែអារម្មណ៍។ ដូច្នេះហើយក្នុងវិស័យមួយ យើងនឹងត្រូវរងការចោទប្រកាន់ពីរឿងទាក់ទងទាំងនេះ ប៉ុន្តែមិនមែនត្រឹមតែហូលីវូដនោះទេ វិស័យខ្លះៗទៀតក៏នាំឲ្យមានបញ្ហាពាក់ព័ន្ធផងដែរ។" តួរឿង "Hunger Games” បាននិយាយដូច្នេះដើម្បីឆ្លើយតបនឹងមិតរបស់លោក Trump ថា ល្បែងកម្សាន្ត (Video Games) បែបហិង្សានិងភាពយន្តបាញ់ប្រហារជាដើមចមនាំឲ្យមាន ឧក្រិដ្ឋកម្មបាញ់សម្លាប់រង្គាលក្នុងសាលារៀងបែបនេះ។

មិនត្រឹមតែប៉ុណ្ណោះ Lawremce ក៏បានសរសើរក្មេងៗរៀននៅវិទ្យាល័យ ដែលរស់រានមានជីវិតនៅសាលាដែលកើតហេតុ (Majory Stoneman Douglas High School) នៅទីក្រុង Parkland រដ្ឋ Florida ក្នុងការប្រឈមមុខជាមួយអ្នកនយោបាយ និងព្យាយាមធ្វើឲ្យមានការផ្លាស់ប្ដូរ ច្បាប់ពាក់ព័ន្ធនឹងការប្រើប្រាស់កាំភ្លើង៕