មុនចូលទីផ្សារថៃ និង អាមេរិក "ស្បែកគង់" រកចំណូលបានជិត ៣០ ម៉ឺនដុល្លារ

2014-09-23 13:24:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តរឿង "ស្បែកគង់" ដែលត្រៀមចូលទីផ្សារថៃ និង អាមេរិកក្រោយភ្ជុំបិណ្ឌហើយ មកទល់នឹងពេលនេះរកចំណូលបានជិត ៣០ ម៉ឺនដុល្លារ។

ផលិតករ និង ជាចាងហ្វាងផលិតកម្ម Angkor Picture លោក ប៉ុល វិបូ និយាយថា៖ "គិតត្រឹមពេលនេះយើងមិនរាប់បញ្ចូលខេត្ត បាត់ដំបងដែលកំពុងដាក់បញ្ចាំងទេ ចំណូលទទួលបាន ២៨ ម៉ឺនដុល្លារ មុននឹងយើងរករឿងនេះទៅដាក់បញ្ចាំងនៅទីផ្សារថៃ និង អាមេរិកខាងមុខ"។

អានអត្ថបទ៖ ខ្មែរ-ថៃ ចាប់ដៃគ្នាផ្លាស់ប្ដូរផលិតផលភាពយន្ត

លោក ប៉ុល វិបូ ផលិតករ និងជាចាងហ្វាងផលិតកម្ម Angkor Picture

ខ្សែភាពយន្តចំណាយទឹកប្រាក់ជិត ៧០ ម៉ឺនដុល្លារ ត្រូវបានផលិតកររូបនេះអះអាងថា នឹងដាក់បញ្ចាំងនៅប្រទេសថៃ នាថ្ងៃទី ១៦ ខែ តុលា។ ដោយឡែកសម្រាប់ទីផ្សារនៅអាមេរិក ដោយគ្រោងដាក់បញ្ចាំង ១០ រដ្ឋ នឹងត្រូវទៅដល់នាថ្ងៃទី ៣០ខែតុលាខាងមុខ។

លោក ប៉ុល វិបូ បន្តថាចំណូលទទួលបានជិត ៣០ម៉ឺនដុល្លារពីទីផ្សារក្នុងស្រុកបានមកពីទស្សនិកជនតាមបណ្ដាខេត្ត-ក្រុងមួយចំនួនដូចជា រាជធានីភ្នំពេញ សៀមរាប កំពង់ចាម ព្រះសីហនុ រីឯខេត្ត បាត់ដំបង កំពុងដាក់បញ្ចាំងមិនត្រូវបានរាប់បញ្ចូលទេ។

អានអត្ថបទ៖ កុំហួសចិត្តអី ៧០ លានដុល្លារថតរឿង “មហាអាណាចក្រខ្មែរ” បាត់ស្រមោលពីកម្ពុជាហើយ!

សម្រាប់ការដាក់បញ្ចាំងរឿង "ស្បែកគង់" នៅទីផ្សារថៃ និងអាមេរិកខាងមុខ ផលិតកររូបនេះបានរំពឹងខ្ពស់ថា នឹងអាចរកចំណូលបានច្រើនជាងក្នុងស្រុក។ ក៏ប៉ុន្តែលោកមិនទាន់ហ៊ានវាយតម្លៃចំនួនជាក់លាក់នៅឡើយទេ ដោយចាំមើលស្ថានភាពជាក់ស្ដែង។

ទាំងការចំណាយ និង ចំណូលទទួលបានក្នុងវិស័យភាពយន្តខ្មែរ គឺមិនធ្លាប់មានទេដែលមានខ្សែភាពយន្តចំណាយដល់ជិត ៧០ម៉ឺនដុល្លារ ហើយចំណូលទទួលបានជិត ៣០ម៉ឺនដុល្លារដោយមិនទាន់រាប់បញ្ចូលការដាក់បញ្ចាំងនៅក្រៅប្រទេស។

អានអត្ថបទ៖ អានហើយពិតជាគួរឱ្យចង់សើច! ឈ្មោះដើម និង ឈ្មោះក្នុងសិល្បៈតារាល្បីៗ

ក្រោយពីបញ្ចប់ការដាក់បញ្ចាំងខ្សែភាពយន្ត "ស្បែកគង់" ផលិតកម្ម" Angkor Picture ត្រៀមផលិតស្នាដៃទីពីរបន្ថែមទៀតនាពេលខាងមុខគឺរឿង "ព្រានព្រៃឡឺកឺ" ដែលគ្រោងចំណាយទឹកប្រាក់ជាង ៨០ ម៉ឺនដុល្លារ៕

អត្ថបទ៖ អ៊ីង សុឡា