ម្ដាយតស៊ូយកអាហារឲ្យកូនរាល់ថ្ងៃអស់៣ឆ្នាំ ក្រោមហេតុផលរំជួលចិត្ត

2018-02-28 07:30:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រ្តីចំណាស់ម្នាក់ដែលរស់នៅប្រទេស សិង្ហបុរី បានធ្វើដំណើរដោយឡានក្រុងដើម្បីយកអាហារដល់កូនស្រីមេម៉ាយជារៀងរាល់ថ្ងៃ អស់រយៈពេលបីឆ្នាំមកហើយ។

យោងតាមប្រភពព័ត៌មាន ឲ្យដឹងថា ស្ត្រីវ័យ ៧០ ឆ្នាំខាងលើតែងតែឈរចាំក្រៅបន្ទប់នៅជាន់ទី ៧ ជារៀងរាល់ថ្ងៃ។ ការខិតខំប្រឹងប្រែងទាំងអស់នេះ ព្រោះគ្រាន់តែចង់មើលមុខកូនស្រី និងប្រគល់អាហារដែលខ្លួនយកមកប៉ុណ្ណោះ។

អ្នកជិតខាងម្នាក់សុំមិនបញ្ចេញឈ្មោះនិយាយថា "ចាប់តាំងពីប្ដីរបស់កូនស្រីលោកយាយស្លាប់មក នាងបានផ្លាស់ប្ដូរស្ទើរតែទាំងស្រុង។ កូនស្រីរបស់លោកយាយ នៅតែក្នុងផ្ទះពេញមួយថ្ងៃ ហើយមិនចេញក្រៅនោះទេ។ នេះហើយជាមូលហេតុដែលលោកយាយ តែងតែយកម្ហូបអាហារឲ្យកូនស្រីជារៀងរាល់។”

គួរឲ្យដឹងថា ការធ្វើដំណើរពីផ្ទះរបស់លោកយាយទៅកាន់ផ្ទះកូនស្រី ត្រូវចំណាយពេលប្រហែល ១ ម៉ោងក្នុងមួយជើង ហើយលោកយាយ តែងតែមកដល់នៅម៉ោង ៤ ល្ងាច និងត្រលប់ទៅវិញនៅម៉ោង ៦ល្ងាចជារៀងរាល់ថ្ងៃ៕