ប្រុសៗនាំគ្នាតែងខ្លួនជាស្រី ព្រោះខ្លាចខ្មោចមេម៉ាយសម្លាប់ ក្រោយកើតរឿងចម្លែកមួយក្នុងភូមិ

2018-03-01 07:49:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ អ្នកស្រុកមួយនៅក្នុងប្រទេសថៃ បានទទួលការភិតភ័យយ៉ាងខ្លាំង រហូតធ្វើឲ្យស្រ្តីក្នុងភូមិបង្ខំឲ្យប្តីរបស់ខ្លួន ស្លៀកពាក់ និងតុបតែងជាមនុស្សស្រីនៅពេលចូលដេក ដោយសារតែខ្លាចខ្មោចមេម៉ាយមកសម្លាប់ពួកគេ។

ជាមួយគ្នានេះដែរ អ្នកស្រុកដទៃទៀតនៅភូមិដាច់ស្រយាល Nakhon Phanom ដែលមានជំនឿខ្លាំង បានព្យួរមនុស្សចំបើង ដែលមានលិង្គប្រវែង ៨០ សង់ទីម៉ែត្រ នៅពីមុខផ្ទះរបស់ពួកគេ និងខ្លះបានសរសេរអក្សរថា «គ្មានមនុស្សប្រុសនៅទីនេះទេ» ទៀតផង។

អ្នកស្រុកជឿថា មនុស្សចំបើងលិង្គធំនេះ គឺជានិមិត្តរូបនៃភាពជាបុរស និង កម្លាំង ដែលធ្វើឲ្យខ្មោចស្រ្តីមេម៉ាយចាប់អារម្មណ៍លើវា ជំនួសឲ្យមនុស្សប្រុសពិតប្រាកដ។

គួរឲ្យដឹងថា អ្នកស្រុកប្រមាណជា ៩០ នាក់ខាងលើ បានភិតភ័យបន្ទាប់ពីមនុស្សប្រុសវ័យក្មេង មានកាយសម្បទារឹងមាំ និងសុខភាពល្អដល់ទៅ ៥ នាក់ បានស្លាប់ភ្លាមៗនៅក្នុងដំណេករបស់ពួកគេ។

ក្រុមអ្នកស្រុកជឿជាក់ថា ខ្មោចស្រ្តីមេម៉ាយម្នាក់កំពុងដើរអុកឡុក ដោយល្បួងបុរសៗឲ្យដេកលក់ រួចយកវិញ្ញាណរបស់ពួកគេតែម្ដង៕

ចុចអាន៖

ប្រភព៖ Dailymail ប្រែសម្រួល៖ សេង ឡុង