តោះមកមើល ទូរសព្ទ Huawei បញ្ជារថយន្ត Posche យ៉ាងម៉េចទៅវិញ

2018-03-02 06:56:19
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei បានបង្កើត Chip Kirin 970 ជាប្រភេទ Neural Processing Unit ឬ NPU ដែលត្រូវបានរចនាឡើងសម្រាប់បំពេញការងារទាក់ទងនឹង AI។ វត្តមាន Chip នេះឃើញមានក្នុងទូរសព្ទ Mate 10, Mate 10 Pro ក៏ដូចជា Honor View 10។

សក្ដានុពល NPU ជួយបានច្រើនស្ថានភាព តែភាគច្រើនអាចសម្គាល់ឃើញ ដូចជាលើកម្មវិធីកាមេរ៉ា ដែលអាចចាប់ Subjects ក្នុងទិដ្ឋភាពដោយស្វ័យប្រវត្តិ ផ្អែកលើមុខងារសម្គាល់រូបភាព និង Settings បានកែប្រែ។

ដូច្នេះ Huawei ចង់ដាក់បញ្ចូល Chip Kirin 970 ទៅក្នុងការសាកល្បង ជាមួយនឹងឧបករណ៍នានា។

ក្នុងទីធ្លាចំណតរថយន្ត iconic Camp Nou របស់ FB Barcelona ក្រុមហ៊ុន Huawei គ្រាន់តែចង់បង្ហាញថា នេះជាលើកដំបូងដែលរថយន្តអាចគ្រប់គ្រងដោយស្មាតហ្វូន។

ទូរសព្ទ Mate 10 Pro បានដាក់ក្នុងរថយន្ត Porsche Panamera ផ្នែកខាងមុខ ដោយដោតភ្ជាប់ទៅនឹងប្រអប់ខាងលើរថយន្តជាមួយនឹងកាមេរ៉ា និងភ្ជាប់ទៅនឹង Drivetrain។ នេះធ្វើឲ្យរថយន្តអាចសម្គាល់ និងបត់បែនអាស្រ័យសមាសធាតុផ្សេងៗនៅខាងមុខបាន។

ការសាកល្បងបានបែកចែកជាពីរករណីចំពោះល្បឿន យឺត និងលឿន ដោយរថយន្ត និងទូរសព្ទសម្គាល់ និងសិក្សាពីឧបសគ្គនៅខាងមុខ។

បើតាមវីដេអូបង្ហាញ ពេលរថយន្តជួបឧបសគ្គដូចជាបាល់ ឬសត្វឆ្កែ វានឹងឈប់ រួចឲ្យអ្នកដំណើរជ្រើសរើសផ្លូវបត់បែនតាមការគួរ។

ក្រុមហ៊ុន Huawei លើកឡើងថា នេះជាការបង្ហាញសមត្ថភាពរបស់ NPU ក្នុងការបកប្រែទិន្នន័យរូបភាព ផ្គូផ្គងឲ្យត្រូវនឹងធាតុផ្សេងៗ ហើយបង្វឹកខ្លួនវា ដើម្បីសម្គាល់ធាតុ។

វីដេអូ៖