ក្រោយ​ជោគជ័យ​លើ​ត្រកូល R11s កាល​ពី​ខែ​វិច្ឆិកា​ឆ្នាំ​ទៅ ក្រុមហ៊ុន Oppo ក៏​មិន​បោះបង់​ត្រកូល​ R ​ចោល ហើយ​បន្ត​វិវត្ត​ដល់​ម៉ូឌែល R15 និង R15 Plus សម្រាប់​ឆ្នាំ ២០១៨។ តាម​ប្រភព​ទម្លាយ​ចេញ​ពី​ Weibo ជំនាន់​ក្រោយ​នេះ នឹង​មាន​រចនាបថ​ស្រដៀង​ iPhone X ដោយ​រក្សា​ស្នាម​ឆក​កណ្ដាល​អេក្រង់​ដូច​គ្នា។

សម្រាប់​លក្ខណៈ​សម្បត្តិ​ម៉ាស៊ីន មិន​ទាន់​មាន​ការ​បង្ហើប​ច្បាស់​ការ​នៅ​ឡើយ តែ​កន្លង​មក​មាន​ចចាមអារ៉ាម​ថា​នឹង​បំពាក់​នូវ​ឈីប Snapdragon 700-series បន្សំ​ការ​ប្រើ​នូវ​បច្ចេកវិទ្យា AI។​

គូស​បញ្ជាក់​ថា​ដើម​ទម​នៃ​ការ​រចនា​អេក្រង់​ឆក​កណ្តាល ដំបូង​ឡើយ​ចេញ​មក​ពី​ក្រុមហ៊ុន Essential និង Sharp ប៉ុន្តែ​ទើប​តែ​ល្បី​អំឡុង​ពេល Apple ប្រកាស​បង្ហាញ iPhone តម្លៃ ៩៩៩ ដុល្លារ។ ជាមួយ​គ្នា​នេះ​ក៏​រំពឹង​មាន​លើ​ស្មាតហ្វូន​ច្រើន​ទៀត ដូច​ជា OnePlus 6 និង Huawei P20 ជា​ដើម។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

• វិធី​សម្អាត​អេក្រង់​កុំព្យូទ័រ​ និង​ទូរទស្សន៍​ឲ្យ​ត្រឹមត្រូវ​តាម​ក្បួនខ្នាត

• Xperia XZ2 និង XZ2 Compact មាន​ចំណុច​មួយ​ លើស​គេ

ប្រភព៖ GSMarena   ប្រែ​សម្រួល៖ កៅ រក្សា