គួររើសមួយណា រថយន្តប្រើលេខដៃ និង លេខអូតូ?

2018-03-03 02:12:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលរកទិញរថយន្ត អ្នកប្រាកដជាចង់បានរថយន្តមានតម្លៃសមរម្យ មិនថ្លៃពេកទៅនឹងសមត្ថភាពរបស់វា។ ចំណុចធំបំផុត ដែលត្រូវចាយបន្ទាប់ក្រោយបានរថយន្តគឺប្រេងសាំង។ អ្នកប្រហែលជាធ្លាប់លឺ ពាក្យថា លុយទិញរថយន្តមាន តែអត់មានលុយចាក់សាំង។

រថយន្តប្រើលេខដៃ ហាក់មានតម្លៃធូរថ្លៃជាង និងសន្សំសំចៃប្រេងសាំងបានល្អ ខណៈបច្ចុប្បន្ន រថយន្តប្រើលេខអូតូកំពុងមានសញ្ញាណក្នុងការផ្លាស់ប្ដូរលើកត្តានេះ។

ចំណុចមួយជួយដល់ប្រព័ន្ធលេខអូតូ ហាក់មានភាពលិចធ្លោគឺការប្រើ Continuously Variable Transmission (CVTs)។ មេកានិចរបស់ CVTs ខុសគ្នាទៅនឹងប្រព័ន្ធលេខអូតូមុន តែសម្រាប់អ្នកបើកបរការដំណើរការ (Operation) នៅដដែល។ ប្រព័ន្ធលេខដៃ និងអូតូប្រើសំណុំ Gears មិនអាចកែប្រែបាន (Fixed Gears) ខណៈ CVTs អាចបន្តកែប្រែសមាមាត្រ Gears (Gears Ratio) ខុសគ្នា សម្រាប់បង្កើនប្រសិទ្ធភាពប្រេងសាំង ដែលជួយសន្សំសំចៃបានច្រើន។

រថយន្តប្រើលេខអូតូបច្ចុប្បន្នមាន Forward gear (Gears ដែលរំកិលរថយន្តទៅមុខ មិនមែនថយក្រោយ) ច្រើនជាងរថយន្តប្រើលេខដៃ។ Gears បន្ថែមទាំងនោះជួយម៉ាស៊ីនបែកចែកថាមពលដូចគ្នាទៅកាន់កង់រថយន្ត ខណៈដំណើរការនៅកម្រិតល្បឿនម៉ាស៊ីនទាប ដែលជាកត្តាជួយសន្សំសំចៃហ្គាស។

ក្រុមហ៊ុនផលិតរថយន្តក៏បានប្រើប្រាស់បច្ចេកវិទ្យាថ្មីលើរថយន្តប្រើលេខអូតូផងដែរ ដើម្បីបង្កើនប្រសិទ្ធភាពប្រើប្រាស់។ រថយន្តភាគច្រើនលក់នៅសហរដ្ឋអាមេរិក ជារថយន្តប្រើលេខអូតូ ដោយមានបច្ចេកវិទ្យាបញ្ជូនថាមពលថ្មី។

រថយន្តប្រើលេខដៃ អាចឲ្យអ្នកគ្រប់គ្រងដំណើរការម៉ាស៊ីន និងចំនួនថាមពលបញ្ជូនបានកម្រិតច្រើនជាង។ បើអ្នកចង់បានបែបនេះ លេខដៃជាជម្រើសដ៏ល្អ។

តែបើអ្នកចង់បានរថយន្តសន្សំសំចៃប្រេងសាំងល្អបំផុត រថយន្តលេខដៃមិនតែងតែជាជម្រើសល្អបំផុតនោះទេ៕