លោក ប្រាយុទ្ធ ចេញមុខសុំឲ្យបញ្ចប់រូបភាព ទេសចរណ៍សិចនៅថៃ
- 2018-03-05 01:26:50
- ចំនួនមតិ 0 | ចំនួនចែករំលែក 0
លោក ប្រាយុទ្ធ ចេញមុខសុំឲ្យបញ្ចប់រូបភាព ទេសចរណ៍សិចនៅថៃ
ចន្លោះមិនឃើញ
នាយករដ្ឋមន្រ្តីថៃ លោក ប្រាយុទ្ធ ចាន់អូចា បានលើកឡើងកាលពីថ្ងៃទី២៧ ខែកុម្ភៈកន្លងទៅថា ប្រទេសថៃ ត្រូវតែផ្លាស់ប្តូររូបភាពនៃទិសដៅទេសចរណ៍សិច។
លោកទទួលស្គាល់ថា មនុស្សមួយចំនួនបានប្រកបមុខរបរនេះ ដើម្បីជីវភាពរស់នៅ។ ដូច្នេះរដ្ឋាភិបាល ត្រូវជួយដោះស្រាយទាំងការរកការងារធ្វើ និងចំណូលរបស់ពួកគេ ហើយត្រូវមើលថាតើពួកគេពេញចិត្តនឹងផ្លាស់ប្តូរមុខរបរផ្លូវភេទនេះដែរឬទេ។ លោកបន្ថែមថា មានអ្នកខ្លះ បានសម្រេចចិត្តប្រកបការងារនេះ ដើម្បីយកលុយទៅទិញទំនិញប្រណីតៗ។
លោកបានលើកឡើងពីការជំរុញគុណភាពទេសចរណ៍ នៅក្រុងប៉ាតាយ៉ា និងតំបន់ទេសចរណ៍ផ្សេងទៀត ដោយការផ្លាស់ប្តូរនូវរូបភាពទេសចរណ៍សិចនេះចេញ។
គួរកត់សម្គាល់ដែរថា ការអំពាវនាវនេះ ក្រោយពេលដែលរដ្ឋមន្រ្តីក្រសួងទេសចរណ៍ប្រទេសហ្គាំប៊ី លោក Hamat Bah បានប្រកាសកាលពីសប្តាហ៍មុនថា ទេសចរបរទេសដែលមានបំណងមកកម្សាន្ត ដើម្បីស្វែងរកសេវាកម្មផ្លូវភេទ មិនគួរធ្វើដំណើរទៅកាន់ប្រទេសរបស់លោកនោះទេ។ ផ្ទុយទៅវិញ លោកបានប្រាប់ទេសចរថា គួរទៅលេងនៅប្រទេសថៃ បើចង់បានសេវាកម្មនេះ។
ក្រោយការប្រកាសដូច្នេះ ក្រសួងការបរទេសថៃ បានផ្ញើលិខិតតាមស្ថានទូតខ្លួននៅប្រទេសសេណេហ្គាល់ (ស្ថានទូតនេះមានបេសកកម្មទំនាក់ទំនងជាមួយហ្គាំប៊ីផងដែរ) ដោយបញ្ជាក់ពីភាពមិនពេញចិត្តចំពោះការលើកឡើងរបស់រដ្ឋមន្រ្តីទេសចរណ៍ហ្គាំប៊ីនោះទេ។ ក្រសួងការបរទេសថៃ បានហៅការនិយាយបែបនេះ ថាបានធ្វើឲ្យប៉ះពាល់ដល់រូបភាពទេសចរណ៍ថៃ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
