Galaxy S9 និង LG V30S តួលេខអ្នក Pre-Order ធ្លាក់ចុះខ្លាំងធៀបឆ្នាំមុន

2018-03-05 12:10:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីបើស្មាតហ្វូនជំនាន់ក្រោយ Galaxy S9/S9 Plus និង LG V30S ThinQ មានការវិវត្តនូវមុខងារនិងលក្ខណៈសម្បត្តិម៉ាស៊ីនមួយផ្នែកធំក៏ដោយក្តី ប៉ុន្តែតាមការបង្ហើបប្រាប់ពីអ្នកឃ្លាំមើលឧស្សាហកម្មមួយនោះ បានសង្កត់ធ្ងន់ចំពោះតួលេខ Pre-Order ថាមានការធ្លាក់ចុះនិងខុសពីអ្វីដែលក្រុមហ៊ុនយក្សទាំងពីរបានរំពឹងទុក។

បញ្ជាក់ប្រាប់សារព័ត៌មាន Korea Herald ត្រកូលស្មាតហ្វូនធន់ខ្ពស់ទាំងពីរម៉ូឌែល ផ្តើមបើកទទួលឲ្យ Pre-Order កាលពីថ្ងៃពុធក្នុងទីផ្សារកូរ៉េខាងត្បូង ប៉ុន្តែទំហំតួលេខបញ្ជាទិញពីអតិថិជនពុំបានឈានដល់តួលេខដែលក្រុមហ៊ុនរំពឹងទុកនោះទេ។

បុគ្គលិកបម្រើការនៅក្រុមហ៊ុនសេវាទូរសព្ទចល័តមួយក្នុងប្រទេសកូរ៉េខាងត្បូងលួចបង្ហើបថា "ពិតណាស់ដែលមានអតិថិជនជាច្រើន សួរនាំអំពីទូរសព្ទជំនាន់ថ្មី តែធាតុពិតតួលេខបញ្ជាទិញ (Pre-Order) ធ្លាក់ចុះធៀបនឹងឆ្នាំទៅ"។

រំឭកថាទីផ្សារក្នុងដីកំណើត Galaxy S9 ទំហំ 64GB មានតម្លៃ ៨៨៤ ដុល្លារ ស្របពេល S9 Plus ថ្លៃ ៩៦៦ ដុល្លារ ចំណែក LG V30S ThinQ ទំហំ 128GB ថ្លៃ ៩៥៧ ដុល្លារ និង 256GB ថ្លៃ ១ ០០៣ ដុល្លារ ។