ពិតអត់? អាមេរិក អាចនឹងមានប្រធានាធិបតី កាន់តំណែងអស់មួយជីវិត

2018-03-06 06:51:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីសហរដ្ឋអាមេរិក លោក ដូណាល់ ត្រាំ បានថ្លែងថា វាជារឿងដ៏អស្ចារ្យ ដែលប្រធានាធិបតីចិន អាចនឹងកាន់តំណែងអស់មួយជីវិត ហើយនៅថ្ងៃណាមួយ សហរដ្ឋអាមេរិក អាចនឹងមានប្រធានាធិបតីកាន់តំណែងអស់មួយជីវិតដូចគ្នាដែរ។

ក្នុងការថ្លែងរបស់លោកនេះ ត្រូវបានគេនាំគ្នាសើច និងទះដៃអបអរ ក្នុងពិធីទទួលទានអាហារថ្ងៃត្រង់ជាផ្លូវការ សម្រាប់ក្រុមអ្នកផ្ដល់ជំនួយដល់គណបក្សសាធារណរដ្ឋ នៅអគាររបស់លោក នារដ្ឋ Florida ភាគខាងត្បូង កាលពីថ្ងៃសៅរ៍កន្លងទៅ។

លោកត្រាំ បានថ្លែងថា៖ "គាត់ (ចង់សំដៅលើប្រធានាធិបតីចិន ស៊ី ជិនពីង) គឺជាប្រធានាធិបតីនាពេលបច្ចុប្បន្ន ហើយក៏អាចជាប្រធានាធិបតីអស់មួយជីវិតដែរ។ គាត់ពិតជាអស្ចារ្យណាស់។ ខ្ញុំគិតថាវាជារឿងដ៏អស្ចារ្យមួយ។ ប្រហែលថ្ងៃណាមួយ យើងនឹងធ្វើបែបនោះដែរ"។

គួរបញ្ជាក់ថា ថ្មីៗនេះ គណៈកម្មាធិការមជ្ឈិមនៃបក្សកុម្មុយនីស្ដចិន គ្រោងរៀបចំលុបកថាខណ្ឌដែលចែងថា "ប្រធានាធិបតី និងអនុប្រធានាធិបតី នៃសាធារណរដ្ឋប្រជាមានិតចិន អាចកាន់អំណាចមិនលើសពី ២អាណត្តិ" ចេញពីរដ្ឋធម្មនុញ្ញរបស់ចិន។ ការធ្វើដូច្នេះ ត្រូវបានគេជឿថា ដើម្បីត្រួសត្រាយផ្លូវឲ្យលោក ស៊ី ជិនពីង កាន់អំណាចជាប្រធានាធិបតីអស់មួយជីវិត៕

ចុចអាន៖

ប្រភព៖ Kley Kley ប្រែសម្រួល៖ អឹុម ម៉េងស៊ាង