ប្រើសមត្ថភាពកាមេរ៉ា iPhone X ឲ្យកាន់តែល្អប្រសើរ ទាល់ដឹងតិកនិកខ្លះ

2018-03-11 03:05:22
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone X ជាទូរសព្ទជំនាន់ចុងក្រោយរបស់ Apple មានសមត្ថភាពខ្លាំងមិនធម្មតា ជាពិសេសកាមេរ៉ាតែម្តង។ ដើម្បីថតរូបបានកាន់តែស្អាតជាមួយទូរសព្ទថ្លៃមិនក្រោម ១K នេះ អ្នកត្រូវដឹងពីតិកនិកមួយចំនួន។ អ្នកក៏អាចប្រើបច្ចេកទេសនេះថតជាមួយទូរសព្ទ iPhone ដទៃទៀត។

១) បើកពន្លឺទាំងអស់ក្នុងបន្ទប់

ពេលអ្នកទាញយក iPhone មកថតរូប ដែលមិនមែនជាកាមេរ៉ា DSLR ឬ Mirrorless មានន័យថា អ្នកកំពុងធ្វើការជាមួយ Device មាន Lens តូច នៅខាងមុខ Sensor តូច។ ដូច្នេះ ការប្រមូលពន្លឺ មិនបានល្អខ្លាំងនោះទេ សូម្បីតែលើ iPhone X ក៏ដោយ។ ពេលពន្លឺមិនគ្រប់គ្រាន់ Noise ងាយនឹងកើតមានឡើង។

អ្នកអាចបើកភ្លើង ទាំងអស់ក្នុងបន្ទប់ ជួយដល់រូបភាពបង្ហាញច្បាស់ និងកាត់បន្ថយ Noise។

២) បើកប្រើ Flash

ពន្លឺកាន់តែច្រើន ការថតរូបលើ iPhone កាន់តែល្អប្រសើរ។ iPhone មានទំនោរ មិនគួរប្រើ Flash ច្រើនពេកទេ ក្នុងការថតរូប។

ពេលបន្ទប់បើកភ្លើងព្រោងព្រាត អ្នកគួរប្រើ Flash ជំនួយ ដើម្បីលុបបំបាត់ពន្លឺផ្លាត និងស្រមោលមិនល្អ។ ហើយគួរថតចម្ងាយ ៧ ហ្វីត ពី Subject ដើម្បីឲ្យពន្លឺកាន់តែមានប្រសិទ្ធភាព។

៣) ប្រើ Portrait Mode

ចំនុចខ្លាំងរបស់ កាមេរ៉ាលើ iPhone X ក៏ដូចជា 7 Plus និង 8 Plus អាចសម្គាល់ Subject ហើយអាចញែកផ្ទៃខាងក្រោយ បង្កើតជាព្រាលៗបានយ៉ាងល្អ។

ចូលកម្មវិធី Camera ចុចអូសទៅកាន់ Portrait mode។ គួររក្សាចម្ងាយពី Subject មិនឲ្យជិតពេក ឬឆ្ងាយពេកអាច៨ហ្វីត អាចជួយដល់កាមេរ៉ា ធ្វើការកាន់តែល្អ។

លើ iPhone X អ្នកក៏អាចកែប្រែពន្លឺក្នុង Portrait mode បានផងដែរ។

៤) កែប្រែ Focus និង Exposure

កម្មវិធី Camera លើ iPhone អាចឲ្យអ្នកគ្រប់គ្រង Exposure បាន។

អ្នកចុចលើអេក្រង់ ត្រង់ទីតាំង Subject ដើម្បី Focus រួចអូសចុះក្រោមបន្ថយពន្លឺ ឬឡើងលើបង្កើនពន្លឺ ក្នុងការកែប្រែ Exposure តាមទិដ្ឋភាពជាក់ស្តែង។ បើអ្នកថតរូបថ្ងៃលិច កាមេរ៉ានឹងជ្រើសរើស Exposure ភ្លឺខ្លាំងដោយស្វ័យប្រវត្តិ ដូច្នេះ អ្នកអាចទាញចុះក្រោម បន្ថយពន្លឺបន្តិច ធ្វើឲ្យរូបភាពកាន់តែល្អ។

អ្នកក៏អាច Lock កម្រិត Exposure និង AutoFocus បានផងដែរ ដោយចុចលើអេក្រង់ឲ្យជាប់ប្រហែល ពីរវិនាទី។ ហើយអ្នកនឹងឃើញ អក្សរបញ្ជាក់ AE/AF lock ដូច្នេះអ្នកអាចប្តូរទីតាំងថត ដោយកាមេរ៉ាមិនផ្លាស់ប្ដូរ Focus ឬ Exposure settings។

៥) កុំពង្រីកខ្លាំងពេក ពេលថតរូប

ការពង្រីកនឹងផ្លាស់ប្ដូរ Focal length របស់ Lens។ លើ iPhone X និងជំនាន់ Plus ផ្សេងទៀត មានកាមេរ៉ាពីរគ្រាប់ ពេលប្តូរប្រើ នោះប្រព័ន្ធ និង Sensor ក៏ខុសគ្នាដែរ។

ជាទូទៅ ពេលថតរូប កាមេរ៉ាលើ iPhone ប្រើកាមេរ៉ាទីមួយ ហើយពេលអ្នកចុចលើ 2x (ប្រើកាមេរ៉ាទីពីរ) វានឹងប្រើការពង្រីកលក្ខណៈ Digital ដែលមានន័យថា វាពង្រីកចេញពីរូបភាពទទួលបាន ជៀសជាងពីទិដ្ឋភាព។

កាមេរ៉ាទីមួយ មាន Sensor ធំជាងបន្តិច និងផ្តល់ Aperture ភ្លឺជាងបន្តិច។ ដូច្នេះ អ្នកគួរប្រើត្រឹមកាមេរ៉ា ទីមួយ រួចអាចពង្រីកតម្រឹមរូបភាពពេលក្រោយ។

៦) អត្ថប្រយោជន៍របស់ Panoramas

Panoramas mode អាចឲ្យអ្នកបន្សំទិដ្ឋភាពជាច្រើន បង្កើតជារូបភាពតែមួយ មានន័យថា អ្នកនឹងទទួលបានរូបភាព ដែលមានបណ្តោយវែង។

អ្នកគ្រាន់តែជ្រើសរើសប្រើ Panoramas mode លើកាមេរ៉ា រួចចុចថតរំកិលទូរសព្ទពីឆ្វេងទៅស្តាំ។

ការថតប្រើ Mode នេះដំណើរការល្អ ពេលអ្នកថតរូបបញ្ឈរ ជៀសជាងផ្តេក។ អ្នកក៏គួរដឹងផងដែរ ចំនុចមិនគួរប្រើពេលថតប្រើ Mode នេះ ដោយមិនគួរទៅជិតនឹង Subject ឬ ប្រាកដថា Subject មិនមានចលនា។

៧) ធ្វើចលនាទូរសព្ទ ជៀសជាងដងខ្លួន

ការថតប្រើ Panorama ទាមទារ ប្រើបច្ចេកទេស ខ្លះដែរ ដើម្បីធ្វើឲ្យរូបភាពបានប្រសើរ។

ជារួម ពេលថត អ្នកមិនគួររំកិលដងខ្លួនតាមទិដ្ឋភាពនោះទេ។ អ្នកគួរត្រឹមតែរំកិលទូរសព្ទ តាមទិដ្ឋភាព ដើម្បីកាត់បន្ថយកម្រិតអាចកើតមានភាពទាញរីក។

បើអ្នកគិតថាពិបាក អាចប្រើ Tripod ជំនួយបាន។

៨) អាចវិនិយោគលើ Lens បន្ថែម

បើអ្នកចូលចិត្តការថតរូបលើទូរសព្ទ ដូចជា iPhone X ឬជំនាន់ផ្សេងៗ អ្នកអាចជ្រើសរើស Lens កាមេរ៉ាបំពាក់បន្ថែម ដើម្បីបង្កើន Focal length ជួយដល់ការថតរូបឲ្យប្រសើរឡើង។ ចំពោះការជ្រើសរើស Lens គួរប្រើរបស់មានគុណភាពល្អ ព្រោះអ្នកកំពុងប្រើកែវផ្សេង ដាក់ពីលើ Lens ស្រ៊ីនរបស់ iPhone។

៩) ប្រើ Tripod

Tripod អាចជួយកាត់បន្ថយការរង្គើកាមេរ៉ា ពេលថតក្នុងស្ថានភាពងងឹត ព្រោះអ្នកត្រូវការបង្កើន Exposure ដែលជួយការពារកុំឲ្យរូបភាពព្រាល។ នេះអាចមានប្រយោជន៍ ពេលអ្នកប្រើកម្មវិធីជំនួយ ដើម្បីគ្រប់គ្រង Exposure ដូចជាបង្កើន Shutter speed និងបន្ថយកម្រិត ISO។ បង្កើន Shutter speed ស្មើនឹងបង្កើនពន្លឺ ស្មើនឹងបន្ថយកម្រិត Noise។

១០) ប្រើកាសជំនួយ

អ្នកអាចប្រើប៊ូតុងគ្រប់គ្រងសំឡេងលើខ្សែកាស ដើម្បីថតរូបបាន។ នេះអាចកាត់បន្ថយ ការរង្គើលើកាមេរ៉ា ដោយអ្នកមិនបានចុចផ្ទាល់លើទូរសព្ទនោះទេ។ ជាពិសេស បើប្រើភ្ជាប់នឹង Tripod កាន់តែផ្តល់អត្ថប្រយោជន៍។

១១) ប្រើ HDR

HDR (High Dynamic Range) ជាមុខងារដ៏ពេញនិយមជំនួយដល់រូបភាពឲ្យកាន់តែល្អប្រសើរ។ ដោយប្រើមុខងារនេះ វានឹងធ្វើការថតរូបជាច្រើន ដោយកម្រិត Exposure ផ្សេងគ្នា រួចបន្សំចូលគ្នា ដើម្បីបង្កើនគុណភាពរូបភាព។

HDR មិនដំណើរការល្អនោះទេ ពេល Subject មានចលនា។

១២) សម្រួល វីដេអូឲ្យប្រសើរឡើង

iPhone X អាចឲ្យអ្នកថតវីដេអូ នូវល្បឿន Framerate ផ្សេងៗបាន ចាប់ពី ៧២០p ល្បឿន ៣០ Frames ក្នុងមួយវិនាទី ទៅ ៤K ល្បឿន ៦០ Frames ក្នុងមួយវិនាទី។

យ៉ាងណាមិញ បើអ្នកចង់បង្កើនគុណភាពវីដេអូ ថតចេញពី iPhone គួរប្រើឧបករណ៍ Gimbal ជំនួយ។

១៣) ប្រើកម្មវិធី មានមុខងារ Manual control និងអាចប្រើ RAW

ត្បិតតែលើកម្មវិធី Camera មានជម្រើសល្អបំផុតសម្រាប់ថតរូប ឬវីដេអូ តែ វាមិនមានមុខងារ Manual control ពេញលេញនិង ថតប្រើទម្រង់ RAW នោះទេ។ ដូច្នេះ អ្នកអាចប្រើកម្មវិធីក្រៅបន្ថែម ប៉ុន្តែប្រហែលជាត្រូវចំណាយថវិកា ដើម្បីអាចប្រើមុខងារទាំងពីរនេះបាន៕