ក្ដៅៗ! ទីបំផុតលោក ត្រាំ យល់ព្រមជួបមេដឹកនាំកូរ៉េខាងជើងហើយ

2018-03-09 02:00:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិច លោក ដូណាល់ ត្រាំ បានយល់ព្រមឲ្យមានជំនួបមួយជាមួយមេដឹកនាំកូរ៉េខាងជើងលោក គីម ជុងអ៊ុន នាខែមេសាខាងមុខ។

លោក Chung Eui-yong ទីប្រឹក្សាសន្តិសុខជាតិរបស់កូរ៉េខាងត្បូង បានប្រាប់សារព័ត៌មានអាមេរិកថា ជំនួបដោយផ្ទាល់ដែលមិនធ្លាប់មានពីមុនមករវាងថ្នាក់ដឹកនាំប្រទេសទាំងពីរគឺ ក្នុងគោលបំណងដកអាវុធនុយក្លេអ៊ែរជាអចិន្ត្រៃយ៍ពីឧបទ្វីបកូរ៉េ។

រយៈពេល ៣០ នាទីក្រោយពីការអះអាងរបស់មន្ត្រីរូបនេះ សេតវិមានអាមេរិចបានចេញមុខបញ្ជាក់ថា លោក ត្រាំ ពិតជានឹងចូលរួមក្នុងជំនួបនេះប្រាកដមែន។ ទោះយ៉ាងណាក៏ដោយ ទីតាំងនៃជំនួបនេះមិនត្រូវបានឲ្យដឹងនៅឡើយទេ។

លេខាធិការសារព័ត៌មានសេតវិមាន អ្នកស្រី Sarah Sarah Sanders ឲ្យដឹងថា "លោក ដូណាល់ ត្រាំ បានទទួលយកការអញ្ជើញដើម្បីជួបជាមួយលោក គីម ជុងអ៊ុននៅកន្លែង និងពេលវេលាដែលនឹងត្រូវបានកំណត់។ យើងរពឹងថា នឹងមានការដកអាវុធនុយក្លេអ៊ែររបស់កូរ៉េខាងជើង។ ទោះយ៉ាងណាក៏ដោយ ក្នុងពេលបច្ចុប្បន្ននេះ ការដាក់ទណ្ឌកម្មទាំងអស់ និងសម្ពាធ នៅតែត្រូវបានដាក់ទៅលើកូរ៉េខាងជើងដដែល"៕

ចុចអាន ៖

ប្រភព៖ Dailymail ប្រែសម្រួល៖ រ័ត្ន