កាហ្វេកូនកាត់ ៣ ពណ៌ស៊េរីថ្មី វិធីឆុងប្លែកខុសគេ លក់កំណត់ពេល មានតែមួយកន្លែងគត់នៅខ្មែរ

2018-03-10 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឈ្មោះឡើងពីរោះ Butterfly Pea Lemonade Cold Brew មានពណ៌ស្វាយ ស ខ្មៅ
វិធីឆុងកាហ្វេប្លែក គឺមិនប្រើទឹកក្ដៅ តែប្រើទឹកត្រជាក់មកឆុង ហៅថា Cold Brew
ភ្លក់មួយក្អឹក ធានាឆ្ងាញ់ អារម្មណ៍ឡើងស្រស់ខុសពីធម្មតា ព្រោះរសជាតិផ្កាអមត និងក្រូចឆ្មារ
ពិសេសជាងគេ អ្នកអត់ចេះញ៉ាំកាហ្វេ ក៏អាចញ៉ាំបានដែរ
លក់មានរយៈពេលកំណត់ ហើយមានតែមួយកន្លែងគត់នៅកម្ពុជា

កាហ្វេ Cold Brew រសជាតិក្រូចឆ្មារ និងផ្កាអមត ឬ Butterfly Pea Lemonade Cold Brew ជាប្រភេទកាហ្វេកូនកាត់មួយប្រភេទមាន ៣ ពណ៌ចម្រុះគ្នា គឺស្វាយ ស និងខ្មៅស្រាល ដែលមានរសជាតិផ្អែម ជូរ និងរសជាតិកាហ្វេស្រាលបន្តិច បើអ្នកមិនបានកូរទេនោះ។ តែបើកូរចូលគ្នា រសជាតិឆ្ងាញ់មិននឹកស្មានដល់ ធ្វើឲ្យអ្នកញ៉ាំស្ទើរមិនដឹងថា Butterfly Pea Lemonade Cold Brew ជាកាហ្វេនោះឡើយ។

វិធីឆុងកាហ្វេវិញ គឺមិនធម្មតា ដោយប្រើទឹកត្រជាក់មកឆុង ហើយទុករហូតដល់ជាង ១០ ម៉ោងឯណោះទើបបានសម្រេចបានកាហ្វេដែលមានរសជាតិផ្អែមស្រទន់។

លោក ប៉ោ លីម ប្រធានគ្រប់គ្រងទូទៅរបស់ Starbucks ប្រចាំកម្ពុជា ប្រាប់ Sabay ឲ្យដឹងថា Butterfly Pea Lemonade Cold Brew មាន ៣ យ៉ាង គឺផ្កាអមត ដែលមានពណ៌ស្វាយ និងរសជាតិផ្អែម ទឹកក្រូចឆ្មាស្រស់ពណ៌ស រសជាតិជូរ និងពិសេសបំផុតចុងក្រោយគេ គឺកាហ្វេ Cold Brew ដែលប្រើវិធីឆុងខុសពីវិធីធម្មតា ដើម្បីបានរសជាតិកាហ្វេមួយមានរសជាតិ Sweeter និង Smoother។

"ខុសពីកាហ្វេខ្មៅធម្មតាដែលប្រើទឹកក្ដៅមកឆុងដើម្បីចម្រាញ់យករសជាតិដើមកាហ្វេ Cold Brew វិញ ត្រូវប្រើទឹកត្រជាក់មកឆុង ហើយទុករហូតដល់ជាង ១០ ម៉ោងមុននឹងដាក់លក់។ វិធីឆុងប្រើទឹកត្រជាក់បែបនេះ ពេលញ៉ាំ នឹងធ្វើឲ្យអ្នកមានអារម្មណ៍៖

ផ្អែមស្រទន់ពីធម្មជាតិជាងកាហ្វេធម្មតា
រសជាតិជូរខុសប្លែកពីកាហ្វេធម្មតា
រសជាតិកាន់តែ Smooth ជាប់មាត់ ហើយឆ្ងាញ់បំផុត ពេលលាយជាមួយទឹកកក"។ លោក ប៉ោ លីម បន្ថែម។

ឯលក្ខណៈពិសេសនៃ Butterfly Pea Lemonade Cold Brew គឺ ៣ រសជាតិចូលគ្នា ហើយអ្នកអត់ចេះញ៉ាំកាហ្វេ ក៏អាចញ៉ាំបានដែរ ព្រោះភេសជ្ជៈប្រភេទនេះជួយជំរុញឲ្យអារម្មណ៍ស្រស់ជាងមុន ព្រមទាំងអារម្មណ៍ថាមានកម្លាំងជាងមុនទៀតផង។

ក្រៅពីនេះ Starbucks កម្ពុជា ក៏បានបញ្ចេញកាហ្វេពិសេសមួយប្រភេទទៀត គឺកាហ្វេ Cold Brew ក្រែមវ៉ានីឡា ឬ Cold Brew with Vanilla Sweet Cream ដែលប្រើកាហ្វេ Cold Brew មកលាយជាមួយទឹកស្ករវ៉ានីឡា ក្រែម និងទឹកដោះគោ។ នេះបើយោងតាមបញ្ជាក់ពីប្រធានគ្រប់គ្រងដដែល។

ភេសជ្ជៈមួយនេះ បង្កើតឡើងជាពិសេសសម្រាប់អ្នកនិយមញ៉ាំកាហ្វេទឹកដោះគោទាំងអស់នៅកម្ពុជា។ វាមានរូបរាងកាហ្វេទឹកដោះគោទូទៅអ៊ីចឹង តែរសជាតិវិញឆ្ងាញ់បែប Premium ដាច់ប៉ិតតែម្ដង។

រសជាតិពិសេសរបស់ Cold Brew with Vanilla Sweet Cream គឺឈ្ងុយក្លិនវ៉ានីឡា មានជាតិក្រែមឡើងឆ្ងាញ់ជាប់មាត់ ពេលញ៉ាំចូល ខណៈជាតិផ្អែមវិញ គឺផ្អែមល្មមមិនមែនផ្អែមខ្លាំង។

អ្នកអាចសាកល្បងរសជាតិភេសជ្ជៈថ្មី Butterfly Pea Lemonade Cold Brew (រយៈពេលកំណត់ត្រឹមជិតពាក់កណ្ដាលខែមេសា), Cold Brew with Vanilla Sweet Cream និងកាហ្វេខ្មៅ Cold Brew (មានរៀងរាល់ថ្ងៃ) បាននៅតាមហាង Starbucks ទាំងអស់នៅកម្ពុជា។

វិះភ្លេច! បើចង់ចំណេញបាន ០,៣ ដុល្លារមកវិញ កុំភ្លេចប្រើកែវ Tumbler ណា៎ រាល់ពេលទិញកាហ្វេនៅ Starbucks កម្ពុជា!

អត្ថបទពាក់ព័ន្ធ៖ មូលហេតុ ៥ យ៉ាង អ្នកញ៉ាំកាហ្វេ ត្រូវប្រើកែវកាហ្វេ Tumbler ស្រុកគេកំពុងល្បី

អត្ថបទ៖ សុផាត