Smartwatch ស៊េរីថ្មីរបស់ Fitbit នឹងអាចត្រាំទឹកបានដល់ ៥០ ម៉ែត្រ

2018-03-10 02:13:02
ចំនួនមតិ 0 | ចំនួនចែករំលែក 0

ចន្លោះមិនឃើញ

Fitbit ជាក្រុមហ៊ុនមួយដែរ ក្នុងការផលិតនាឡិកាវ័យឆ្លាត (Smartwatch) រួមមាន Fitbit Blaze និង Ionic។

ព័ត៌មានលេចធ្លាយចុងក្រោយ ទាក់ទងនឹង Smartwatch បន្ទាប់របស់ Fitbit គឺ Fitbit Versa។

ឈ្មោះ, តម្លៃ

របាយការណ៍មួយចំនួនពីឆ្នាំមុន បង្ហាញថាជំនាន់បន្ទាប់ Fitbit អាចជា Charge 3 និង Blaze 2។

យ៉ាងណាមិញ លោក Evan Blass អ្នកទម្លាយព័ត៌មានទូរសព្ទដ៏ល្បី បានបង្ហាញលើបណ្ដាញសង្គមខ្លួន ជាមួយរូបភាព នឹងឈ្មោះបន្ទាប់គឺ Fitbit Versa។

Fitbit Versa [details: https://t.co/H6Mr3ExmiI] cc: @wareable @HughLangley pic.twitter.com/RfCOvgNJ4Y
— Evan Blass (@evleaks) March 9, 2018

Fitbit Ionic ជាជំនាន់ចេញដំបូងកាលឆ្នាំ ២០១៧ ហាក់មានការលក់តិចតួច។ ដូចនេះ Versa អាចនឹងមានតម្លៃទាបជាង Ionic ដើម្បីជួយមួយផ្នែកដល់កំណើនលក់។

ត្បិត Versa មិនទាន់ប្រកាសជាផ្លូវការក្ដី តែ Fitbit បានបញ្ជាក់ថា ជំនាន់ Smartwatch បន្ទាប់របស់ខ្លួនជាអំបូរ Fitness Tracker អាចចេញ នៅចន្លោះពីខែមីនា ដល់ខែមិថុនា ឆ្នាំនេះ (Spring)។

ការរចនា និងមុខងារ

រូបភាពលេចធ្លាយ បង្ហាញពីការរចនាមានលក្ខណៈស្រដៀងនឹង Apple Watch 3។

នាឡិកានេះអាចនឹងមានមុខធំ និងតូចផងដែរ ដើម្បីទាក់ទាញសុភាពនារី។ ចំណែកមុខងារបឋម រួមមាន អាចត្រាំទឹកជម្រៅ ៥០ ម៉ែត្រ, ប្រើ Sensor SpO2 ដូចនឹង Ionic (អាចតាមដានឥរិយាបថការគេង) និងមាន ៤ ពណ៌ ដូចជា ទឹកប្រាក់ ខ្មៅ ស្ទើរខ្មៅ (Charcoal) និងផ្កាឈូកស្រាល (Rose gold)។ ហើយក៏អាចជ្រើសរើសខ្សែបានច្រើនប្រភេទផងដែរ។ តែប្រហែលជាមិនមានបំពាក់ GPS នោះទេ។

បន្ថែមពីចំណុចពិសេសៗ យ៉ាងណា យើងរង់ចាំមើលព័ត៌មានផ្លូវការទាំងអស់គ្នា៕