Salah ឈ្នះពានកីឡាករឆ្នើមប្រចាំខែកុម្ភៈនៅ Premier League
- 2018-03-10 02:57:35
- ចំនួនមតិ 0 | ចំនួនចែករំលែក 0
Salah ឈ្នះពានកីឡាករឆ្នើមប្រចាំខែកុម្ភៈនៅ Premier League
ចន្លោះមិនឃើញ
Mohamed Salah បានឈ្នះពានកីឡាករឆ្នើមប្រចាំខែកុម្ភៈនៅ Premier League ក្រោយមានសំឡេងគាំទ្រនាំមុខគូប្រជែង Sergio Aguero, Mousa Dembele, Pascal Gross, Glenn Murray, Eden Hazard និង Xherdan Shaqiri។
នេះគឺជាលើកទីពីរហើយសម្រាប់ខ្សែប្រយុទ្ធមកពី Liverpool ដែលឈ្នះពាននេះ បន្ទាប់ពីរូបគេធ្លាប់ឈ្នះលើកមុនកាលពីខែវិច្ឆិកា។ Salah ស៊ុតបញ្ចូលទី៤គ្រាប់ និងបញ្ជូនឲ្យមិត្តរួមក្រុមស៊ុតបាន២លើកនៅខែកុម្ភៈ។
ក្រោយឈ្នះពានតារាឆ្នើមសញ្ជាតិអេហ្ស៊ីបនិយាយថា៖ "កីឡាករក្នុងក្រុម និងគ្រូបង្វឹកគឺជាអ្នកជួយខ្ញុំឲ្យមានភាពងាយស្រួល។ វាពិតជាប្រសើរដែលឈ្នះពាននេះម្ដងទៀត។ ខ្ញុំតែងតែព្យាយាមជួយក្រុមដើម្បីបាន៣ពិន្ទុ និងឡើងទៅចំណាត់ថ្នាក់ល្អជាងបច្ចុប្បន្ន"។
Salah វ័យ២៥ឆ្នាំ ត្រូវ Liverpool ទិញពី Roma កាលពីដើមរដូវកាលក្នុងតម្លៃ៤៨លានដុល្លារ។ កីឡាករជំនាញជើងឆ្វេងស៊ុតបាន៣២គ្រាប់រដូវកាលនេះគិតលើគ្រប់កម្មវិធី និង២៤គ្រាប់នៅ Premier League៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
