ចូលមើលកន្លែងស្ដុកកាបូប Kylie Jenner តម្លៃមិនក្រោម១លានដុល្លារ

2018-03-13 02:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជានាងទើបតែសម្រាលកូនថ្មីៗក៏ដោយ Kylie Jenner ក៏នៅតែមិនអាចបញ្ឈប់នាងឲ្យរស់នៅក្នុងជីវិតស្ដុកស្ដម្ភនិងបង្អួតបង្ហាញទ្រព្យសម្បត្តិរបស់នាងដែរ។

កាលពីចុងសប្ដាហ៍ តារាវ័យ២០ឆ្នាំរូបនេះបានបង្អួតអ្នកគាំទ្រពី បន្ទប់ស្ដុកកាបូបម៉ូដល្បីៗ ដែលសរុបទាំងអស់មានតម្លៃមិនតិចជា១លានដុល្លារនោះទេ។ នៅក្នុងបន្ទប់នោះ Kylie បានថត Selfie ដោយបង្ហាញពីរូបនាង និងកាបូបជាច្រើនសុទ្ធតែមានតម្លៃថ្លៃៗ។

ក្នុងនោះមានកាបូបម៉ាកល្បីៗ ដូចជា Hermes Brikin តម្លៃ ១៦,៦៥០ដុល្លារ និង ៣៤,៧០០ដុល្លារសម្រាប់ម៉ាក Ostrich Version។ ក្រៅពីនោះក៏មានកាបូបសុទ្ធតែម៉ូដល្បីៗ ដូចជា Chanel, Dior, Gucci និង Balenciaga ច្រើនរាប់មិនអស់។

នេះជារឿងធម្មតាទៅហើយសម្រាប់ Kylie ដែលពេលនេះនាងមានទ្រព្យសម្បត្តិមិនតិចជាង ៥០លានដុល្លារនោះទេ ហើយមិនត្រឹមតែប៉ុណ្ណោះក្រុមហ៊ុន Kylie's comsmetics នាងកំពុងតែទទួលបានភាពជោគជ័យមិនធម្មតា ដោយរកចំណូលបានដល់ទៅ ៤២០លានដុល្លារក្នុងរយៈពេលតែ ១៨ខែ។

នេះអាចធ្វើឲ្យក្រុមហ៊ុន Kylie Cosmectics អាចរកចំណូលបានដល់ទៅ ១ប៊ីលានដុល្លារនៅឆ្នាំ ២០២២៕