ធ្វើបុណ្យដល់! បុរសចិនរៀបការជាមួយ នារីអ៊ុយក្រែនស្រស់ស្អាត អត់អស់លុយមួយរៀល

2018-03-14 06:21:37
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់ មកពីខេត្ត Shanxi បានធ្វើឲ្យបុរសៗជាច្រើនច្រណែនយ៉ាងខ្លាំង ដោយសារតែលោកបានរៀបការជាមួយនារីអ៊ុយក្រែនដ៏ស្រស់ស្អាតដោយមិនអស់លុយសូម្បីមួយរៀល។

រឿងរ៉ាវស្នេហារបស់ពួកគេ បានចាប់ផ្ដើមឡើងកាលពីឆ្នាំ ២០១៦ នៅពេលដែលកញ្ញា Inesa មកធ្វើការជាអ្នកបកប្រែក្នុងប្រទេសចិន ហើយបានជួបនឹងលោក He។ នាង Inesa លង់ស្រលាញ់លោក He ភ្លាមៗដោយសារតែគេជាមនុស្សចិត្តល្អ ហើយពួកគេក៏បានស្រឡាញ់គ្នាទៅវិញទៅមក។

មិនយូរប៉ុន្មាន ពួកគេក៏បានដាក់ពាក្យស្នើសុំ និងទទួលបានលិខិតអាពាហ៍ពិពាហ៍ នៅខែតុលា ឆ្នាំ២០១៧។ អ្វីដែលធ្វើឲ្យគ្រប់គ្នាច្រណែន គឺដោយសារតែខាងកូនក្រមុំ មិនបានទាមទារបណ្ណាការ ឬថ្លៃទឹកដោះពីខាងកូនកំលោះនោះទេ ក្រោមហេតុផលថា ពួកគេមានប្រពៃណីខុសគ្នា និងដោយសារ Inesa ស្រលាញ់លោក He។

មង្គលការរបស់ពួកគេ បានធ្វើឡើងកាលពីថ្ងៃ សុក្រ សប្ដាហ៍មុននៅឯស្រុកកំណើតកូនកំលោះ នាខេត្ត Yangcheng។ លើសពីនេះទៀត ម្ដាយឪពុក និងមិត្តភ័ក្ដិរបស់ Inesa ក៏បានធ្វើដំណើរមកប្រទេស ចិន ដើម្បីចូលរួមពិធីមង្គលការរបស់ពួកគេផងដែរ៕