Courtois៖ ខ្ញុំមិននឹកស្មាន Messiស៊ីបាល់អ៊ីចឹងសោះ វាជាកំហុសខ្ញុំ

2018-03-15 02:21:21
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាំទី Thibaut Courtois របស់ Chelsea បានបង្ហាញក្ដីសោកស្ដាយជាខ្លាំងក្នុងកីឡដ្ឋាន Nou Camp ដោយសាងកំហុសឲ្យ Lionel Messi ទាត់ចូលប្រឡោះជើងដល់ទៅពីរគ្រាប់។

នៅគ្រាប់ទីមួយ Messi បានប្រើភាពឆ្លាតវៃរបស់ខ្លួនមិនគួរឲ្យជឿ ទាត់បញ្ចូលទីតាមប្រឡោះជើង Courtois ស្របពេលបាល់សឹងតែអស់មុំទាត់ទៅហើយ។ ខណៈគ្រាប់ទីពីរ កីឡាករអាហ្សង់ទីននៅអាចទាត់ចូលប្រឡោះជើងដដែល ធ្វើឲ្យអ្នកចាំទីសញ្ជាតិបែលហ្ស៊ិកឈឺចិត្តជាខ្លាំង។ ក្រៅពីគ្រាប់របស់ Messi កីឡាករ Dembele ក៏រកបាន១គ្រាប់ដែល ដូច្នេះជួយឲ្យ Barca ឈ្នះ Chelsea ទាំងពីរជើង ៤-១។

ចប់ការប្រកួត Courtois បានបង្ហាញអារម្មណ៍សោកស្ដាយថា៖ "ខ្ញុំមិននឹងស្មាន Messi ទាត់មកប្រឡោះជើងទេ ហើយខ្ញុំពិតបិទជើងជាយឺតខ្លាំងណាស់ ដូច្នេះនោះគឺជាកំហុសមួយរបស់ខ្ញុំ។ Barca រកគ្រាប់បាល់បានដោយសារកំហុសពួកយើង។ ខ្ញុំគិតថាភាគច្រើនជាកំហុសរៀងៗខ្លួនរបស់ពួកយើងដែលនាំឲ្យបរាជ័យ"។

Courtois បន្តថា៖ "ខ្ញុំធ្លាប់លេងជាមួយ Messi ច្រើនដងណាស់ និងធ្លាប់បិទមិនឲ្យទាត់ចូលប្រឡោះជើងជាច្រើនដង។ សម្រាប់អ្នកចាំទីដូចខ្ញុំ ត្រឹមពីរម៉ែត្រឲ្យគេស៊ុតចូក វាគឺជាចំណុចអន់បំផុតរបស់ខ្ញុំ"៕

ប្រភព៖ Dailymail ប្រែសម្រួល៖ ហេង សុធារិទ្ធិ